Ислам Чесноков Шотландияның Хартс клубына ауысты

Ұлттық футбол құрамасының қапталдағы шабуылшысы Ислам Чесноков Шотландия чемпионатында өнер көрсететін «Хартс» клубының ойыншысы атанды, деп жазады Egemen.kz.

Шотландиялық клуб Ислам Чесноковтың ресми түрде командаға қосылғанын жариялады. 26 жастағы футболшы жаңа клубымен 2028 жылдың жазына дейін келісімшартқа қол қойды. Ол «Хартсқа» қостанайлық «Тобыл» клубынан еркін агент ретінде ауысты.

Осылайша, Ислам Чесноков «Хартс» тарихындағы және жалпы Шотландия чемпионатындағы алғашқы қазақстандық футболшы атанды. Жаңа командасында ол 99-нөмірмен ойнайды.

«Хартс» – Шотландияның ең титулды клубтарының бірі. Команда ел біріншілігінде төрт рет чемпион атанып, сегіз мәрте Шотландия кубогын жеңіп алған. Биылғы маусымда 20 турдан кейін клуб 44 ұпай жинап, турнир кестесінде көш бастап тұр.

Ислам Чесноков – өскемендік «Алтай» клубының түлегі. Ол кәсіби мансабын 2018 жылы жастар құрамында бастап, 2020 жылғы 15 қыркүйекте «Тұранға» қарсы ойында негізгі құрамда алғаш рет алаңға шықты.

2021 жылдың сәуірінде футболшы Беларусьтің Белшина клубына ауысты. Жоғары лигада 2022 жылдың 20 наурызында могилёвтік «Днепрге» қарсы матчта дебют жасады. Ал алғашқы голын сол жылдың 21 мамырында «Ислочь» қақпасына соқты. Беларусь клубы сапында барлық турнирде 59 матч өткізіп, 11 гол мен 11 нәтижелі пасқа автор болды.

2023 маусымынан бастап Ислам Чесноков «Тобыл» сапында ойнап, 92 матчта 29 гол соғып, 15 голдық пас берген.

Енді жерлес футболшымыз мансабын Шотландия чемпионатында жалғастырып, ел футболы тарихында жаңа белеске қадам баспақ.

Соңғы жаңалықтар

Қайтарылған қаржыға Тайынша ауруханасы жаңартылды

Экономика • Бүгін, 15:20

Қазақстан мен Хорватия серіктестігі нығаяды

Саясат • Бүгін, 15:05

Мұстафа Шоқайдың бұрын жарияланбаған фотосуреттері табылды

Жәдігер • Бүгін, 14:45

Израилдің батыс жағалауында 4G іске қосылды

Саясат • Бүгін, 14:00

Ислам Чесноков Шотландияның «Хартс» клубына ауысты

Футбол • Бүгін, 13:35

Президент сұхбаты: мемлекет саясаты қалай өзгерді?

Саясат • Бүгін, 13:11

АҚШ Конгресі Венесуэлаға қатысты әрекеті үшін Трампты айыптады

Әлем • Бүгін, 12:40

Юто Кубо Қаршыға Дәуітбектің көзін шұқып алды

Спорт • Бүгін, 12:15

Диспансерлік есепте тұрған 1787 жүргізушінің көлік басқаруына шектеу қойылды

Қоғам • Бүгін, 12:03

Автожолдардағы бүгінгі ахуал қандай?

Оқиға • Бүгін, 11:37

Дастан Сәтпаев үздіктердің көшін бастап тұр

Футбол • Бүгін, 11:26

Астанаға апаратын автобус

Қоғам • Бүгін, 10:55

Жаңа техника жұмысты жетілдіреді

Аймақтар • Бүгін, 10:50

Жігіттер жарап тұр

Кәсіпқой бокс • Бүгін, 10:45

Үздік балуандар анықталды

Күрес • Бүгін, 10:40

Барлық жаңалықтар