Кейбір алматылықтардың телефонына хабарлама келеді

Алматы Төтенше жағдайлар департаменті қала тұрғындары мен қонақтарына құлақтандыру жүйесінің жоспарлы тексерісі туралы ескертті, деп хабарлайды Tengrinews.kz.

Алматы Төтенше жағдайлар департаменті қала тұрғындары мен қонақтарына құлақтандыру жүйесінің жоспарлы тексерісі туралы ескертті, деп хабарлайды Tengrinews.kz.

Ведомство мәліметінше, бүгін, 24 маусым күні сағат 11:00-де Медеу ауданының Мұзтау шағын ауданында Mass Alert жүйесі сынақтан өткізіледі.

"Шара жоспарлы түрде, құлақтандыру жүйесінің техникалық дайындығын тексеру және төтенше жағдайлар туындаған кезде халықты хабардар ету тәртібін пысықтау мақсатында өткізіледі", – деп хабарлады ведомство.

ТЖД бұл жүйе ұялы телефондарға хабарлама жіберуді көздейтінін түсіндірді.

Mass Alert жүйесі шұғыл хабарламаларды ұялы байланыс операторының қамту аймағындағы барлық абоненттерге де, нақты географиялық аудандардағы пайдаланушыларға да жолдауға мүмкіндік береді. Ол тіпті желіге түсетін күш артқан кезде де жұмысқа қабілеттілігін сақтайды.

ТЖМ бұған дейін Mass Alert жұмысы ұялы байланыс операторларының инфрақұрылымына негізделгенін және олардың жабдықтарының техникалық мүмкіндіктеріне байланысты екенін атап өткен болатын. Хабарламалардың жеткізілу жылдамдығы бірқатар факторларға, соның ішінде базалық станцияларға дейінгі қашықтық пен желінің ағымдағы жүктемесіне байланысты болады.

Құтқарушылар қала тұрғындарын сабыр сақтауға шақырып, тексеріс жоспарлы режимде жүргізіліп жатқанын хабарлады.

Google News арқылы жаңалықтарымызды қадағалаңыз