Келешек мектептері : инклюзивті білім беру мүмкіндігі кеңейген

«Келешек мектептерінде» инклюзивті білім беру мүмкіндігі кеңейіп келеді. Мәселен, Жетісу облысы Жаркент қаласындағы білім ошағында түрлі диагнозы бар 30 оқушы білім алып жатыр. Мұнда оларға диагностика, жеке және топтық түзету сабақтары өтіп, логомассаж бен артикуляциялық гимнастика жасалады. Қоғамдық ортаға бейімдеу үшін арт-терапия және топтық өнер сабағы да бар. Балалар зейіндері мен есте сақтау және көру қабілеттерін, тілін дамытады.  

Мақпал Жолдыбаева, педагог-логопед:

- Бұл мектепте арнайы мамандардың негізгі бағыттары: балалармен ұсақ моторикамен жұмыс жасалады, дыбысталу қабілетін жүзеге асырады, бала эмоциясын шығаруға арналған жұмыстар жүргізіледі. Жоспарға сай аптасына екі рет жұмыстар жүргізіліп отырады. Түзету сабақтары, оқыту жеке жұмыстары жүргізіліп отырады. Сенсорлық кабинетте айналы бұрыш, құм терапиясы, тактильді жолақтар, құрғақ бассейн және фиброоптикалық сәулелер қамтамасыз етілген.