Көкпардан кейінгі жанжал: Жамбыл облысында туысына араша түскен ер адам атыс шығарған

Фото: Жамбыл соттары

Биыл қаңтар айында көкпар кезінде Кеңес ауылының екі тұрғыны арасында жанжал туындап, ол төбелеске ұласқан. Біраз уақыттан кейін жанжалдасқандардың бірі болған оқиға туралы туысына (сотталушыға) хабарлаған. Сотталушы үйінен өз атына заңды түрде тіркелген ИЖ-81 аңшылық мылтығын алып, оны резеңке оқпен зарядтап, жәбірленушіні атып, денсаулығына жеңіл зиян келтірген. Оның әрекеті ауыл тұрғындары арасында үрей туғызып, қоғамдық тыныштықтың бұзылуына әкеп соққан.
Кінә тараптардың, куәлердің айғақтарымен, сараптамалардың қорытындыларымен және істің басқа да материалдарымен дәлелденді.

Щучинск тұрғыны сотқа жалған айғақ бергені үшін бас бостандығынан айырылды

Прокурор сотталушыға 3 жылға бас бостандығынан айыруды тағайындауды сұрады. Сотталушы кінәсін толық мойындап, тайып құлап, мылтық кездейсоқ атылғанын түсіндірді. Болған оқиғадан кейін ол жәбірленушіні дереу ауруханаға жеткізіп, көмек көрсеткен.

Жәбірленуші сотталушыны кешіргенін және оған ешқандай талап қойылмағанын, тараптар татуласқанын хабарлады.

Сот кінәні мойындауын, шын жүректен өкінуін, жәбірленушімен татуласуын, оң қырынан сипатталуын, 4 кәмелетке толмаған балаларының, қарт ата-анасының және жұмыс істемейтін жұбайының болуын, сондай-ақ ауырлататын мән-жайлардың жоқтығын жеңілдететін мән-жайлар ретінде таныды.

Павлодар облысында үш жасар қызын азаптап өлтірген әке өмір бойына сотталды

Сот үкімімен оған Қылмыстық кодекстің 293-бабының 3-бөлігі бойынша кінәлі деп танылып, оған 5 жыл мерзімге бас бостандығынан айыру түріндегі жаза тағайындалды. Қылмыстық кодекстің 63-бабын қолдана отырып, тағайындалған жаза шартты деп танылды.

Үкім заңды күшіне енді.