Көлік апатының алдын алудың әдісі. LIVE

Жамбыл облысында жыл басынан бері 1600-ден астам жол-көлік оқиғасы тіркелді. Салдарынан 180-нен аса жолаушы қаза болды. Бұл өткен жылмен салыстырғанда 26%-ға төмен. Дегенмен ажал құштырар апаттың алдын алу қажет-ақ. Аймақтың тәртіп сақшылары жол апатының алдын алу үшін қандай қадамға барып жатыр? 

Мерей Бает, тілші:

- Жол апатының басым бөлігі дәл қазір мен тұрған «Батыс Еуропа – Батыс Қытай» халықаралық дәлізінің Жамбыл аумағынан өтетін бөлігінде тіркеледі.

Полицейлердің мәліметінше, облыс бойынша апат жиі болатын 36 қауіпті учаске бар, соның көбі – күре жолдың тау бөктерімен өтетін өткелдері мен елді мекендерге, әсіресе Таразға кіреберіс тұстар. Дәл осы аралықтарда көлік ағыны көп, жылдамдық жоғары, ал түн ортасы мен таңға жуық кезде жүргізушілердің шаршауы мен ережені елемеуі салдарынан қайғылы жағдай жиілейді. Сондықтан тәртіп сақшылары мынандай белгілермен жолды жасанды түрде қысып, жүргізушілерді тоқтатып, ұйқысы келгендердің бетіне су бүркіп барын салуда. Былтыр осы аумақтарда 281 жол апаты болған. Полиция департаменті сол жерлерге барынша көңіл бөліп жатыр. Ол жайында қазір әкімшілік полиция басқармасының басшылығы айтып берсін. Ержан мырза, жол апаты жол ережесін бұзу салдарынан болып жататыны жасырын емес. Жалпы жолдағы тәртіпті қамтамасыз ету үшін не істеп жатырсыздар?

Ержан Мананбаев, облыстық ПД ӘПБ бастығының орынбасары:

- Құқықбұзушылықтарды автоматты түрде тіркейтін 10 автокөлік алынды деген бағытта тікелей де ақпарат айтады. 

Мерей Бает, тілші:

- Бүгінде республикалық маңызы бар тас жолдарда қашықтықтан бақылайтын дрон да жұмылдырылған. Пилотсыз басқарылатын құрылғы автобан бойын 15 шақырымға дейін бақылап, әуеде 40 минут ұша алады. Жыл басынан бері дрон көмегімен 400-ден астам жолдың қарсы бетіне шығу дерегі анықталған. Айта кетейік, енді аймақта автобустар мен жедел-жәрдем көліктеріне айыппұл жазатын камералар орнатылмақ. Олар қала ішіндегі жол ережесін бұзушыларды анықтамақ.