Көлік нөмірін таңдауға мыңдаған адам келген министрлік

АСТАНА, 6 қаңтар – Sputnik. Жасанды интеллект және цифрлық даму министрлігі бір күнде көліктің мемлекеттік нөмірін өз еркімен таңдауға келген қазақстандықтардың санын жариялады, деп хабарлайды Sputnik Қазақстан тілшісі.

5 қаңтардан бастап қазақстандықтар көліктің мемлекеттік нөмірін өз қалауымен таңдай алады. Осыған байланысты кеше мамандырылған халыққа қызмет көрсету орталықтарында жаңа қызметке сұраныс күрт өсті, ұзынсонар кезектер де көп болды.

Бірінші вице-министрі Ростислав Коняшкиннің айтуынша, жыл сайын мейрам күндерінен кейін мамандырылған халыққа қызмет көрсету орталықтарында адам саны көбейеді.

"Иә, осы жолы әдемі нөмірлерді таңдау қызметі де іске қосылды. Ол да әсер еткен шығар. Кеше ғана республика бойынша әдемі нөмірлерді алуға шамамен 11 мың өтініш берілді. Біз өз кезегімізде осы қызмет бойынша операторлардың санын көбейттік", - деді Коняшкин үкіметтің бүгінгі отырысында.

Оның сөзіне қарағанда, осы аптада әдемі нөмірді таңдау қызметі онлайн форматта - eGov мобильді қосымшасында қолжетімді болады.