Күйеуім өмірден өткеннен кейін әлі дұрыс ұйықтамадым... : Бағым Мұхитденова жан сырын ақтарды (видео)

Музыкалық продюсер Бағым Мұхитденова Тимур Балымбетовке берген сұхбатында отбасы, шығармашылығы туралы сөз қозғады, – деп жазды Aikyn.kz. 

Өнер иесі жолдасының қазасынан кейін әлі өзіне келе алмай жүргенін айтты.  

«Күйеуім қайтыс болғаннан кейін ұйқысыздық пайда болды. Әлі дұрыс ұйықтамадым десем болады. Жұмысты автоматты түрде істеп жүре бересің. Бірнеше жоба жасадық. Ұйықтамасам да қалыпты түрде ештеңе болмағандай жүре беремін. Жаңа әндер жазып, шығармашылықпен белсенді айналысып жатырмыз. Бұл өмір сүруге құлшыныс береді», - дейді продюсер.

Бағым Мұхитденова жақында жеке шығармашылық кешін өткізетінін жеткізді. Айтуынша, бұл идеяны әпкесі Баян Алагөзова ұсынған. Продюсер бұл кеш мерейтойында өзіне есеп беру екенін атап өтті. Шығармашылық кеште көбіне өнердегі әріптестерімен, шәкірттерімен дуэт орындайды.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.