Курск облысында украиндық әскери тұтқындарды атып өлтірген ресейлік өмір бойына сотталды

53 жастағы Владимир Иванов Ресей Қарулы Күштері Тынық мұхиты флотының 40-шы жеке теңіз жаяу әскерлері бригадасында қызмет еткен, деп хабарлайды Arasha.kz.

2025 жылдың қаңтарында Курск бағытындағы шайқастар кезінде оның тобы екі украин сарбазын тұтқынға алады. Украиндықтар қаруын тастап, қолдарын көтергеніне қарамастан, Иванов серіктестерімен бірге оларды суыққандылықпен атып тастаған, деп мәлімдеді "Хочу жить" жобасы.

Сол күні Ивановтың өзі де тұтқынға түсті. Дұрысырақ айтқанда, Украинаның Арнайы операциялар күштері (ССО) оның тобының көзін жойғаннан кейін аман қалған жалғыз адам сол болды. Украин әскерилері бұл топты жайдан-жай тапқан жоқ – барлаушылар дрон арқылы ресейліктерді және олардың жанында жатқан өлім жазасына кесілген Украина Қарулы Күштері сарбаздарының денелерін байқап қалған. Осылайша, қылмыскерлерге лайықты жаза олар ойлағаннан да тез жетті.

Сол уақытта көрші позицияда болған және ату сәтін өз көзімен көрген басқа да ресейлік әскерилер тұтқынға түскен еді. Кейінірек олар сотта Ивановқа қарсы куәлік берді. Владимир өз кінәсін толық мойындап, тек «Рязань» деген лақап аты бар командирдің бұйрығын орындағанын мәлімдеді. Ол Украина Қылмыстық кодексінің 28-бабы 1-бөлігі және 438-бабы 2-бөлігі бойынша («Соғыс заңдары мен әдет-ғұрыптарын бұзу, әскери тұтқындарға топ болып қатыгездік көрсету, бұл олардың өліміне әкеп соқтыру») кінәлі деп танылды.

Тағы да ескертеміз: қазіргі заманда әскери қылмыскердің кім екенін анықтау — тек уақыт пен техниканың еншісіндегі шаруа, ал командирдің қылмыстық бұйрығы ақталуға негіз бола алмайды. Егер украиндық әскери тұтқындарды немесе бейбіт тұрғындарды өлтіру арқылы өз атыңызға кір келтіргіңіз келмесе – соғысқа бармаңыз. Әйтпесе, қылмыскерлер мен қатыгездер армиясына қатысыңыз болғаны үшін өмір бойы ақтала алмайсыз.