Медведев: Армения халқы Ресейдің стратегиялық серіктесі

АСТАНА, 25 мамыр – Sputnik. Ресейдің стратегиялық серіктесі – Арменияның кез келген басшысы емес, армян халқы, деп мәлімдеді РФ Қауіпсіздік кеңесі төрағасының орынбасары Дмитрий Медведев РИА Новости агенттігінің сауалына жауап бере отырып.

"Армения - бізге тарихи жағынан өте жақын ел, стратегиялық серіктесіміз. Мен Арменияның кез келген басшысы емес, бауырлас халқын ерекше атап өтемін", - деді ол .

Медведев Пашинянмен алғашқы сұхбатында Ресейдің армян халқымен ерекше қарым-қатынасы туралы мәселені көтергенін айтты.

"Біз онымен алғаш кездескенде ол (Пашинян – ред.) "Сен мені ешқашан қабылдамайсың, мен саған бөтенмін" деген еді", - деп еске алды ол.

Қауіпсіздік кеңесі төрағасының орынбасары сол кезде Армения үкіметінің басшысына Мәскеу үшін "жат та, жақын да жоқ" екенін айтқанын атап өтті.

"Сізді халық сайлады, біз сізбен бірге жұмыс істейміз, бірақ үкіметіңіздің ұстанатын бағыты тек өзіңізге байланысты. Ал біздің жалғыз шынайы досымыз - Армения халқы, Ресейге бауырлас халық. Біз олармен әрқашан достық қарым-қатынаста боламыз", - деген Медведев Пашинянмен сұхбатында.