Мерекелік барокко кеші

Қысқы мерекелер қарсаңында «Астана Опера» театры елордалық көрерменді асқақ әуендер мен рухани жылылыққа бөлеп, ерекше музыкалық кеш ұсынды. К.Байсейітова атындағы Камералық залда «Рождество сиқыры» концерті көне музыка жауһарларынан шашу шашты.

Мерекелік кеште театр­дың жетекші солис­­тері, камералық ор­кестр мен балалар хоры бір сах­нада өнер көрсетті. Атап айтсақ, Қазақстанның еңбек сіңірген қайраткері, меццо-сопрано Татьяна Вицинская, сопранолар Әсем Сембина мен Лейла Аламанова, тенор Әлихан Зейнолла, баритон Сұлтан Бақытжан тыңдарманын қуантты. Сондай-ақ сирек кезде­се­тін контртенор дауысының иесі Батыржан Смақов, скрипкашы Мәдина Капеу мен альтшы Гүлнар Тілеуғабылова шақырылған әртіс­тер ре­тінде кештің көркемдік бо­яуын байытты.

Тыңдарман назарына барокко дәуірінің ұлы композиторлары – Антонио Вивальди, Георг Фридрих Гендель, Франческо Дуранте, Джулио Каччини шығар­ма­­ларымен қатар Вольфганг Амадей Моцарт, Жюль Массне, Джакомо Пуччинидің таңдаулы туындылары ұсыны­лды. «Астана Операның» каме­ра­лық ор­кестрін дирижер, «Құрмет» ор­дені­нің кавалері Руслан Баймурзин басқарса, фортепианода Қазақ­­стан­ның еңбек сіңірген қайраткері Раушан Бескембирова ойнады.

Кештің әсерлі сәттерінің бірі – Ф.Грубердің әлемге әйгілі «Тым-тырыс түн» композициясын Алтынғаным Ахметова мен Шырын Ахмеджанова жетекшілік ететін «Астана Опера» балалар театрлық студиясы хорының орындауы болды. Жас вокалистердің балғын да­уысы концертке ерекше нәзіктік пен шынайылық дарытып, мерекелік атмосфераны тереңдете түсті.

Мерекелік концерт көрермен тарапынан зор ықыласқа ие болған «Bel Canto музыкалық салоны» топтамасы аясында өтті. Жобаның авторы әрі идеялық шабыт берушісі Раушан Бескемпірова бұл формат Камералық залды шығармашылық еркіндік пен көркемдік ізденіске жетелейтінін айтады.

– «Bel Canto музыкалық салоны» – әртістер үшін де, тыңдарман үшін де ерекше сұхбат алаңы. Мұнда біз әр дәуірдің вокалдық және аспаптық жауһарларын еркін ұсы­на аламыз. Камералық зал – нағыз шығар­ма­шылық зертхана, – дейді пианист.

Биылғы мерекелік кештің репертуарынан Антонио Виваль­ди­дің терең лирика мен салтанатты рухты тоғыстырған «Nisi Dominus» туындысы айрықша орын алды. Бұл шығарма Камералық зал сахнасында алғаш рет толық, тоғыз бөлімнен тұратын нұсқада орындалып, оны контртенор Батыржан Смақов орындады.

Соңғы жаңалықтар

Астанада тұрғын үйден өрт шықты: ТЖМ 9 адамды эвакуациялады

Төтенше жағдай • Бүгін, 11:21

Мемлекетке миллиард теңгеден астам шығын келтірген күдікті Грузияда ұсталды

Қылмыс • Бүгін, 11:06

Қазақстан онлайн-қызметтер бойынша әлемнің ТОП-10 еліне кірді

Жасанды интеллект • Бүгін, 10:47

27 желтоқсанда республика бойынша қай жолдарда қозғалыс шектелді?

Ауа райы • Бүгін, 10:25

Керек дерек

Digital • Бүгін, 10:17

Сезімтал сенсор

Ғылым • Бүгін, 10:15

Мамандыққа адал әулет

Қоғам • Бүгін, 10:10

«Қырық батыр» қамқорлыққа зәру

Мирас • Бүгін, 10:00

Мерекелік барокко кеші

Өнер • Бүгін, 09:55

Сармат әйелдің жұмбақ қобдишасы

Жәдігер • Бүгін, 09:50

Ғарышты әнімен тербеген

Өнер • Бүгін, 09:45

Лудомания: Заңның жауапкершілігі бәрімізге ортақ

Заң мен Тәртіп • Бүгін, 09:43

Тобыл-Торғай күйлерінің топтамасы

Басылым • Бүгін, 09:40

«Қуырдақтың көкесіндей» қаржылық қитұрқы

Заң мен Тәртіп • Бүгін, 09:38

Сәдірқызының сәулелі белесі

Руханият • Бүгін, 09:35

Барлық жаңалықтар