Министрлік ауылдағы OneWeb интернетін көрсетті

АСТАНА, 25 мамыр – Sputnik. Қостанай облысындағы Басбек ауылында OneWeb спутниктік технологиялары арқылы қосылған қоғамдық Wi-Fi қондырғысы орнатылды, деп хабарлайды Sputnik Қазақстан Жасанды интеллект және цифрлық даму министрлігінің ресми сайтына сілтеме жасап.

© Photo : Жасанды интеллект және цифрлық даму министрлігіБасбек ауылында OneWeb спутниктік технологиялары арқылы қосылған қоғамдық Wi-Fi қондырғысы орнатылды

Басбек ауылында OneWeb спутниктік технологиялары арқылы қосылған қоғамдық Wi-Fi қондырғысы орнатылды

© Photo : Жасанды интеллект және цифрлық даму министрлігі

OneWeb өзге техникалық шешімдерді қолдануға келмейтін жерлерде жоғары жылдамдықты және тұрақты интернет таратуға мүмкіндік береді. Басбек ауылының тұрғындары желінің жылдамдығын өздері тексеріп көрді.

"Бұған дейін біз жақындарымызбен тек үй телефоны арқылы сөйлесетінбіз. Ал қазір интернеттің арқасында барлық қажетті ақпаратты алып, туыстарымызбен әрдайым байланыста отырмыз. Менің ұлым Германияда тұрады, енді осы Wi-Fi-дың арқасында ауылда отырып сөйлесетін болдым",- дейді ауыл тұрғыны.

Басбек ауылына интернет "Қолжетімді интернет" ұлттық жобасы аясында тартылды. Негізгі мақсат – талшықты-оптикалық байланыс желілерін тарту немесе мобильді базалық станцияларды орнату экономикалық тұрғыдан тиімсіз болып табылатын шалғайдағы және халқы аз қоныстанған ауылдарды интернетпен қамтамасыз ету.

Министрліктің мәліметіне сәйкес, осы уақытқа дейін OneWeb жүйесі арқылы 328 ауыл интернетке қосылды. Жоба операторы –"Jusan Mobile" компаниясы.