НАТО Ресей шекарасына 800 мың сарбаз орналастыруды жоспарлап отыр

АСТАНА, 8 қараша – Sputnik. Германия Ресеймен қақтығыс болған жағдайда НАТО одағының орталық плацдармына айналуы мүмкін, деп мәлімдеді НАТО-ның бірлескен қолдау және жабдықтау қолбасшылығының (JSEC) басшысы генерал-лейтенант Александр Зольфранк Бундесвер конференциясында. Бұл туралы РИА Новости неміс Die Zeit газетінің сілтеме жасап хабарлады.

"Қақтығыс болған жағдайда Германия НАТО-ның орталық плацдармына айналады. НАТО-ның әртүрлі елдерінен 800 мыңға дейін әскер мен олардың жабдықтары Германия арқылы шығыс қапталға мүмкіндігінше қысқа мерзімде орналастырылуы мүмкін", - деді Александр Зольфранк.

Зольфранктың айтуынша, егер одақ күштерін орналастыру процесі кідіріп қалса, тым кеш келсе немесе үйлестірілмесе, Ресейге қарсы тежеу ​​​​сәтсіз болатынын НАТО түсініп отыр.

Соңғы жылдары Ресей батыс шекараларында НАТО-ның бұрын-соңды болмаған белсенділігі жайында айтып келеді. Альянс мұны "Ресей агрессиясын тежеу" деп атайды.

Ресей билігі Еуропадағы әскери-саяси блоктың күшеюіне бірнеше рет алаңдаушылық білдірді. Кремль Мәскеу ешкімге қауіп төндірмейтінін, бірақ өз мүдделеріне қауіпті болуы мүмкін әрекеттерді ескерусіз қалдырмайтынын мәлімдеді.