Несиені жауып тастаймын деп қылмысқа барған шымкенттік келіншек өкінішін айтты

  Есірткі тасығаны үшін сотталған 23 жастағы шымкенттік келіншек қылмысқа несиені жабу үшін барғанын айтты, - деп хабарлайды Аikyn.kz.

Бұл туралы Қазақстан Республикасы Ішкі істер министрлігінің Қылмыстық-атқару жүйесі комитетінің Instagram парақшасы  "Таза парақтан басталған өмір: сотталғанның арманы" атты айдар жүргізіп, жазасын өтеп жатқан қылмыскерлердің өкінішін жариялап отыр.

 Айтуынша, ол Telegram желісінен жеңіл табыс туралы жарнаманы көріп, салдарын түсінбестен келіскен. Сондағы мақсаты несиелерін жауып алу еді. Содан кейін бұл іспен айналыспаймын деп ойлаған. Алайда әр іс үшін жауап беру қажет.

Полиция қызметкерлері оның заңсыз әрекетінің жолын кесті. Салдарынан келіншек ҚР ҚК 297 бабының 3 бөлігі бойынша 5 жылға бас бостандығынан айырылды. 

 "Қазір ол істеген ісінің ауырлығын түсініп, істеген ісі үшін өкініп отыр. Жазасын өтеу барысында бостандықтың, отбасының қадірін түсініп, әсіресе кішкентай балаларын сағынған. Сотталғанның айтуынша, түрме – ешкімнің түспеуі тиіс жер. Ол бостандыққа шыққан соң өмірін таза парақтан бастап, адал және заңды жолмен өмір сүретінін айтты" - деп жазылған парақшады. 

Посмотреть эту публикацию в Instagram

Публикация от ҚР ІІМ ҚАЖК/ КУИС МВД РК (@kuis_kz)