Нью Йорктің бірінші мұсылман мэрі ант қабылдауда құран қолданды

Мамдани американдық X компаниясының әлеуметтік желідегі парақшасында өткен аптада қызметке кірісу рәсімінде ант қабылдау барысында пайдаланылған құран туралы айтты.

Мэрдің сөзінше, ант рәсімінде қолданылған Құран XVIII ғасырдан бергі қолжазба саналады, бұрын Артуро Шомбургке тиесілі болған. Ол бұл Құранның Сириядан шыққан Осман дәуіріндегі қолжазба екенін атап өтті. Мәтін қара сиямен жазылған, ал кейбір бөліктері қызыл түспен ерекшеленген.

Мэр бұл құранды Нью-Йорк тарихындағы «жаңа кезеңнің» символы деп сипаттап, оны қаланың барлық тұрғынына ортақ қазына деп санайтынын айтты. Құран бүгіннен бастап Нью-Йорктың Бас қоғамдық кітапханасында көрмеге қойылады.

Айта кетейік, 34 жастағы Зохран Мамдани Угандада дүниеге келген. Ол 4 қарашада өткен сайлауда жеңіске жетіп, соңғы жүз жылда Нью-Йорктің ең жас мэрі әрі бірінші мұсылман мэрі атанды.

CBS News деректеріне сәйкес, сайлауға 2 миллионнан астам адам қатысты – бұл 1969 жылдан бері ең жоғары көрсеткіш.

1 қаңтарда Мамдани ашық түрде өткен ант қабылдау рәсімінде құранды пайдаланып, ресми түрде қызметіне кірісті.

Бұдан бұрын АҚШ президенті Дональд Трамп Нью-Йорк қаласының мэрі Зохран Мамданимен кездескенін жазған едік. Шара барысында Трамп Мамданиге Нью-Йоркті қауіпсіз ету үшін бірге жұмыс істейтініне уәде берді.