Облигация әлде депозит: Жинақты қайда сақтаған тиімді?

Ұлттық банктің мәліметінше, биылғы жылдың қаңтар айында депозиттік ұйымдардағы салымдар бір айда 3,75% -ға төмендеп, 46,2 трлн теңгені құрады. Жинақтың ең көп үлесі теңгемен сақталады – 36,2 трлн теңге. Алайды 2025 жылдың желтоқсанмен салыстырғанда олардың көлемі 4,5%-ға қысқарған. Ал шетел валютасындағы салымдар 9,5 трлн теңге (бір айда -5,9%) құрап отыр, деп жазады Egemen.kz.

Фото: Ашық дереккөз

Клиенттер бөлінісіне үңілсек, жеке тұлғалардың салымдарындағы қаражаттың басым бөлігі – шамамен 26 трлн теңгені (-0,8%) құрап отыр. Ал банктік емес заңды тұлғаларға тиесілі үлес 20,2 трлн теңгеге (-7,3%) тең. Осы орайда «BCC Invest» брокерлік компаниясының сарапшылары өздерінің экономикалық шолуында ел азаматтары үшін жинақтарды тек депозитте сақтамай, облигацияларға салу тиімдірек екенін алға тартады. Мамандардың пайымынша, теңгемен және валютамен номинирленген облигациялар бойынша пайыздық мөлшерлемелер бүгінде депозиттік мөлшерлемеден жоғары болып отыр.

2026 жылы жинақты қай валютада сақтаған тиімді? 

Сарапшылардың айтуынша, 2025 жылдың үшінші тоқсанының соңында мерзімсіз депозиттер бойынша пайыздық мөлшерлемелер оның мерзіміне қарай 15% деңгейінде қалыптасқан. Ал мерзімді және жинақ депозиттеріне келсек, толықтыру құқығынсыз салымдар бойынша мөлшерлеме 10,5-18,1% аралығын, ал толықтыру мүмкіндігі қарастырылған жинақтар бойынша 11,8-17,6%-ды құраған.

«Тек сақтап қана қоймай, сонымен қатар көбірек икемділік пен әлеуетті кірістілік алғысы келетін инвестор үшін облигациялар түріндегі баламалар көбінесе сенімдірек көрінеді», делінген BCC Invest шолуында.

KASE-тегі корпоративтік облигациялардың кірістілігі теңгемен жылдық 13,61-25%, ал доллармен 4,5-10% аралығында құбылып тұр. Бастапқы нарықтағы облигациялардың басым бөлігі ұсынатын табыс мөлшерлемесі дәстүрлі депозиттік ставкалардан әлдеқайда жоғары. Бұл үрдіс, әсіресе, жоғары табысты шығарылымдар сегментінде айқын байқалады. Сарапшылардың пайымынша, егер банктер нақты кіріс мөлшерлемесін бекітсе, облигациялар инвесторға мерзіміне қарай қосымша сыйлықақы алуға жол ашады.

Теңгелік депозиттер бойынша пайыз өсті: салымшылар нені ескеру керек?

Сонымен қатар мамандар депозиттердің тиімділігі қаражатты пайдалану мүмкіндігіне тікелей байланысты екенін алға тартады. Мәселен, пайызы жоғары жинақ депозиттері салымды мерзімінен бұрын алуға шектеу қояды, әрі бұл жағдайда клиент жинақталған сыйақысынан айрылып қалуы мүмкін. Ал облигациялар нарықтағы икемділікті сақтай отырып, құнды қағазды сату немесе өтеу арқылы қаржыны ерте шығарып алуға мүмкіндік береді. BCC Invest сарапшыларының пікірінше, облигациялардың тағы бір артықшылығы – тәуекелдерді әртараптандыру әлеуетінде. Инвестор өз портфелін түрлі эмитенттер мен мерзімдер арасында бөлу арқылы қаржылық қауіпсіздігін нығайта алады.

Бұдан бөлек, еліміздегі валюталық депозиттердің кірістілігі, әдетте, 1%-дан аспайды. Ал долларлық облигациялар жылдық 10%-ға дейін табыс ұсына алады. Осыған байланысты сарапшылар валюталық депозитті табыс құралы емес, тек «валюталық сейф» ретінде қарастыруды ұсынады.

Соңғы жаңалықтар

Олжас Бектенов: Азаматтардың табысын арттыруға баса назар аударылады

Үкімет • Бүгін, 10:48

9 ірі жоба толық іске қосылғанда өндіріс көлемі еселеп артады

Өндіріс • Бүгін, 10:38

Блогердің жазбасынан кейін Рудный ауруханасына жоспардан тыс тексеру басталды

Заң мен Тәртіп • Бүгін, 10:35

Түркістан облысында заңсыз темекі өндірген 3 жасырын цех анықталды

Аймақтар • Бүгін, 10:18

Отандық су үнемдеу технологиясы: Ғалымдар әзірлеген құрылғылар нарыққа қашан шығады?

Қоғам • Бүгін, 10:04

Мемлекет басшысы Вьетнам халқын Тет мерекесімен құттықтады

Президент • Бүгін, 10:02

«Burger King-тегі» дау: Еңбек министрлігі тексеруді бастады

Қоғам • Бүгін, 09:53

Валюта бағамы: Бүгін доллар қанша теңгеден саудаланып жатыр?

Қаржы • Бүгін, 09:43

Қазақстанда қай жолдар жабық тұр?

Ауа райы • Бүгін, 09:32

Бірқатар облыста ауа райына байланысты ескерту жарияланды

Ауа райы • Бүгін, 09:30

Қысқы Олимпиада: Бүгін жарыс жолына кімдер шығады?

Қысқы спорт • Бүгін, 09:20

Павлодарда әскерден босатуға уәде беріп, миллиондарды жымқырған офицер жазаланды

Аймақтар • Бүгін, 09:13

Қасым-Жомарт Тоқаев ҚХР Төрағасына құттықтау жеделхатын жолдады

Президент • Бүгін, 09:01

Елорданың жетістіктері – ел дамуының көрсеткіші

Елорда • Бүгін, 08:55

Берік Уәли: Өңірдегі өзекті мәселелер кезең-кезеңімен шешіліп келеді

Аймақтар • Бүгін, 08:50

Барлық жаңалықтар