Оралда еріктілер қала тазалығына үлес қосты

Орал еріктілері «Таза Қазақстан» акциясы аясында базарларды аралап, тазалығын тексерді. Қала көшелеріне шығып, коммуналдық мекеменің жұмысын қадағалады. 

Бораннан кейін тротуарларда қатқан мұз бен, үйілген қар, жүргіншілерге қолайсыздық туғызып жатыр. Сауда орындарының иелерімен тілдескен еріктілер өз аумағын таза ұстау кәсіпкерлердің заңмен белгіленген міндеті екенін еске салды. Жүзден аса бизнес нысанда болып жадынамалар таратты. Жыл басынан бері «Таза Қазақстан» акциясы аясында өңірде 900-ге тарта түрлі шара өтті.

Нұрсұлтан Сәрсенбаев, БҚО жастармен жұмыс жөніндегі ресурстық орталық басшысының міндетін атқарушы:

- Жаз бойы қоқыс тазалаумен айналысқан болатын болсақ, қыс уақытында қауіпсіздік мәселесі, мұздарды ою, төбеден құлайтын мұз қалдықтарын алдын-ала сол жерлерге ленталар байлау секілді жұмыстар жүргізу, одан бөлек түсінік жұмыстарымен айналысамыз. Бүгінгі шараның да басты мақсаты осы. Бұл шаралардың басты мақсаты экологиялық мәдениетті, экологиялық сауаттылықты қалыптастыру.