Ормуз бұғазындағы шиеленіс: мұнай бағасы барреліне 150 долларға баруы мүмкін

АҚШ-тың Энергетикалық ақпарат басқармасының (EIA) деректеріне сәйкес, Сауд Арабиясы мен Біріккен Араб Әмірліктері арқылы өтетін құбыр желілері тәулігіне шамамен 3,5 млн баррель баламалы өткізу мүмкіндігін қамтамасыз етеді.

Сонымен қатар АҚШ-тың стратегиялық мұнай қоры 415 млн баррельді құрайтыны атап өтілді. Ормуз бұғазы арқылы жеткізілімдердің ұзақ мерзімге тоқтауы күрт ауытқуларға әкелуі мүмкін, әсіресе Азиядағы мұнай өңдеу зауыттарының маржасына және фрахт бағаларына әсер етеді.

Сарапшылардың пікірінше, мұнай резервтері ықтимал жеткізілім қысқаруын толық өтеуге жеткіліксіз болуы мүмкін. Олар мұнай бағасы барреліне 85–150 долларға дейін өсуі ықтимал деп болжайды.

Жапония мұнай импортының шамамен 72%-ын Ормуз бұғазы арқылы алады

Сонымен қатар стратегиялық теңіз өткелдерінің бірі — Ормуз бұғазына елдердің тәуелділік деңгейі де назар аудартады. Бұл бұғаз арқылы күн сайын шамамен 20 миллион баррель мұнай мен мұнай өнімдері тасымалданады.

Осы деректерге сәйкес, Жапония мұнай импортының шамамен 72%-ын Ормуз бұғазы арқылы жеткізеді, ал Оңтүстік Кореяда бұл көрсеткіш 65%-ды құрайды.

Азияның ірі экономикалары — Қытай мен Үндістан үшін Ормуз бұғазы арқылы өтетін бағытқа тәуелділік шамамен 50%-ға тең.

Еуропада орташа тәуелділік деңгейі 18% болса, АҚШ-тың Ормуз бұғазы арқылы өтетін жеткізілімдерге тәуелділігі шамамен 2% деңгейінде бағаланады.

Еске сала кетсек, бұған дейін Иран Ормуз бұғазы арқылы өтуге тырысқан кез келген кемені ататынын мәлімдеді.

Ал мұнай бағасы барреліне 100 долларға дейін көтерілуі мүмкін.

Сондай-ақ Қазақстан және ОПЕК+ ұйымына мүше басқа жеті ел сәуірден бастап мұнай өндірісін арттырады.