“Ұмай” ипотекасы Отбасы банкіне 20 миллиард теңгенің екінші траншы мақұлданды

Азия даму банкі "Ұмай" әйелдер ипотекалық бағдарламасы үшін 20 миллиард теңге көлеміндегі екінші траншты мақұлдады. Отбасы банк қаражат жақын арада түседі деп күтеді, деп хабарлайды Tengri Home тілшісі.

Поделиться

Бұл туралы Отбасы банк Tengri Home сауалына берген жауабында мәлімдеді.

"АДБ 20 миллиард теңге мөлшеріндегі екінші траншты бөлуді мақұлдады. Қаражат жақын арада түседі деп күтіледі. Өтінімдерді қабылдау күні туралы Отбасы банк қосымша хабарлайды", - деп уәде берді банктегілер.

Анықтама: Азия даму банкі - Азия және Тынық мұхиты аймағы елдерінің дамуын қолдау үшін құрылған халықаралық қаржы институты. Ол 1966 жылы негізделген. Қазақстан оның қатысушыларының қатарына 1994 жылдан бері кіреді. Банк аймақ елдеріндегі жобаларды қаржыландырады, соның ішінде қарыз беріп отырады.

31 тамызда өтінім беріп үлгермеген әйелдер мұны қабылдаудың келесі кезеңдерінде жасай алады. Алайда банктегілер өтінім беріп, бірақ қаржыландыру ала алмағандарға қайта тіркелу қажет пе, жоқ па, ол жағын нақтыламады. Сондай-ақ бағдарлама шарттарында ықтимал өзгерістер болатыны туралы да хабарланған жоқ.

Отбасы банктің 12 қазандағы мәліметі бойынша, "Ұмай" бағдарламасы бойынша 366 қарыз берілді, тағы 296 өтінім рәсімдеу сатысында тұр. Барлығы 31 тамызда банк 855 өтінім қабылдаған болатын.

Сәуірде Отбасы банк Азия даму банкімен "Ұмай" және "Жасыл ипотека" бағдарламалары үшін 90 миллиард теңгеге келісімге қол қойды. 9 миллиард теңгелік алғашқы транш тамыз айында түсті. Оған өтінімдерді қабылдаунебәрі жеті сағат ішінде аяқталды: банк 855 өтінім алған кезде лимит таусылып қалды. Екінші транш алғашқысынан екі еседен астам көп.

Шарттар өтінім беруді жоспарлап отырғандар үшін маңызды болуы мүмкін: өткен кезеңде сыйақы мөлшерлемесі жылдық 14,8 пайызды құрады, қарыздың ең жоғары сомасы - 50 миллион теңге, бастапқы жарна - ірі қалаларда 20 пайыздан, ал өңірлерде 15 пайыздан басталды.

“Ұмай“ ипотекасына өтініш не себепті қабылданбауы мүмкін және оған қалай дайындалу керек? Онлайн-калькулятор

Бізді Google-дың негізгі дереккөздер тізіміне қосыңыз

Ипотека Несиелеу Отбасы банк