Орны бөлек орталық

Қызылордада инклюзивті спорт орталығы ашылды. Орны бөлек орталықтың салынуына «Қазақстан халқына» қоғамдық қоры қолдау көрсеткен.

Сурет: aqmeshit-aptalygy.kz

Парламент Сенаты мен Мәжілі­сінің депутаттары Наурызбай Бай­қадамов, Руслан Рүстемов, Мұрат Әбенов, Мархабат Жайым­бетов, Мұрат Ергешбаев, «Қазақстан халқы­на» қоғам­дық қорының басқарма төр­ағасы Ләззат Шыңғыс­баеваның және жұртшы­лықтың қатысуымен өткен салтанатты жиында облыс әкімі Нұрлыбек Нәлібаев саламатты өмір салтын ұстанудың маңызын атап өтіп, жиналған қауымды жаңа нысанның ашылуымен құттықтады.

– Біздің әр бастамамыз елдің бірлігінің арқасында жүзеге асып келеді. Соның дәлелі «Қазақстан халқына» қорының қолдауымен салынған инклюзивті спорт орталығы. Жобаны іске асыруға 2,9 млрд теңге бөлінді. Мұнда спортшыларымызға арнал­ған волейбол, күрес, жалпы дене дайындығы залдары бар. Бір мезетте 131 адамның спортпен жүйелі шұғылдануына мүмкіндік жасалған, – деді облыс әкімі.

Аймақ басшысы өңірдің әлеуметтік-экономикалық дамуы­на, тұрғындардың әл-ауқатын арттыруға қосқан елеулі үлесі үшін Ләззат Шыңғысбаева басқаратын «Қазақстан халқына» қоры ұжымына Сыр жұртшылығының атынан алғыс айтты.

Жалпы, «Қазақстан халқына» қоғамдық қоры өңірдегі маңызды әлеуметтік бастамаларға 12 млрд 851 млн теңге бағыттаған. Соның ішінде ауыл мектептерінің материалдық базасын нығайтуға 5 млрд теңгеден аса қаржы қаралса, денсаулық сақ­тау, әлеуметтік қорғау салаларын­да 5 млрд теңгенің жобалары іске асырылып келеді.

Спорт инфрақұрылымын дамы­туға бөлінген 2 млрд 728 млн теңгеге өткен жылы Шиелі, Жалағаш аудандарында жаңа спорт кешендері салынып, пайдалануға берілді. Сырдария, Қармақшы аудандарындағы спорт нысандары жаңа құрал-жабдықтармен қамтамасыз етілді.

Кәсіпкерлер, ұлттық компаниялар мен спорт федерациялары да облыс тұрғындарының бұқаралық, кәсіби спортпен айналысуына мүмкіндік жасап отыр. Осының арқасында 4 жылдан бері 23 спорт нысаны, 20 спорт кешені салынды. «Ауыл – ел бесігі» бағдарламасы аясында елді мекендерде тағы 4 спорт кешені ел игілігіне табысталады. Аймақта алғаш рет ерлер мен әйелдерге арналған «Қызылорда бокс клубы» жұмысын бастады. Қазақстан футбол федерациясының қолдауымен Қызылорда қаласын­дағы Ғани Мұратбаев атындағы стадион­ның қосалқы алаңы мен Жалағаш ауданының орталық стадионы күрделі жөндеуден өтіп, қолданысқа берілді. Жергілікті кәсіпкерлер демеушілігімен 1 млрд 600 млн теңгеге 80 спорт-ойын алаңы салынды.

Облыс орталығындағы ірі жобалардың бірі аумағы 25 мың шаршы метрлік «Қызылорда Арена» көпбейінді спорт кешені болып отыр. Бұл нысанда олимпиадалық стандарттарға сай 50 метрлік бассейн, Азия, әлем чемпионаттарын өткізуге арналған 2 500 орындық зал, олимпиадалық спорт түрлеріне арналған жаттығу залдары болады.

Қызылорда 

Соңғы жаңалықтар

14 қаңтар күні оқушылар онлайн оқиды

Ауа райы • Бүгін, 00:30

Иран билігі наразылықтар кезінде шамамен 2000 адамның қаза тапқанын мойындады

Әлем • Кеше

Үш облыста көлік қозғалысына шектеу қойылды

Ауа райы • Кеше

Шекарадан «Маузер» тапаншасын заңсыз алып өтпек болған

Қылмыс • Кеше

Атырауда өлі табылған ерлі-зайыптының мүрдесінде пышақ ізі бары анықталды

Қылмыс • Кеше

«Ертіс» футбол клубына жаңа бас бапкер тағайындалды

Спорт • Кеше

Қарияларға белсенді өмір сыйлаған орталық

Қоғам • Кеше

Полицейлер шетінен парамен ұсталып жатыр

Жемқорлық • Кеше

Депутаттар жастармен ашық әңгімелесті

Жастар • Кеше

Көлік қозғалысын жеңілдеткен оң жақ өткел

Инфрақұрылым • Кеше

Депутат Алматы облысының кәсіпкерлерімен импортты алмастыру мәселесін талқылады

Бизнес • Кеше

Шымбұлаққа көтерілу бағасы қайта арзандады

Алматы • Кеше

Алматыда айналасы бір аптада «әдемі» нөмір алғысы келетіндерден 19 мыңдай өтініш түсті

Қоғам • Кеше

Шымкенттегі кәсіпорын жылына 50 млн жұп шұлық шығарады

Шымкент • Кеше

Халықаралық көрмеде үздік туындыларымыз таныстырылды

Руханият • Кеше

Барлық жаңалықтар