Осы аптада халықты ауызсумен қамтамасыз ету жұмыстарын кешіктірген басшылар жауапқа тартылады

— Осы аптада ауыз сумен қамтамасыз ету жөніндегі кеңес болады. Аптаның соңына дейін осының алдында атаған Абай облысы сияқты сумен қамтамасыз ету жөніндегі нысаналы индикаторларға қол жеткізбеу қаупі бар өңірлердің жауапты басшылары тәртіптік жауапкершілікке тартылады, — деді ол орталық коммуникациялар қызметінде өткен баспасөз мәслихатында.

Ал Құрылыс және тұрғын үй-коммуналдық шаруашылық істері комитеті төрағасының орынбасары Нұрсұлтан Керемқұлов бұған дейін халықты ауызсумен қамтамасыз ету жұмысын жоспардан кешіктіргені үшін өзінің да жазаға тартылғанын еске салды.

— Шілде айында Мемлекет басшысының Көкшетау су тазарту құрылысын қайта жаңарту жөніндегі тапсырмасын уақтылы орындамағаны үшін менімен бірге Ақмола облысы әкімінің бірінші орынбасары Ердос Рамазанов тәртіптік жауапкершілікке тартылған, — деді комитет басшысының орынбасары.

Бұған дейін елімізде ауызсуды есептеудің жаңа әдістемесі бекітілгенін жазған едік.