Өткінші жаңбыр, бұршақ және күннің жылынуы: 25 тамызда Қазақстанда ауа райы қандай болады

Қазақстанның солтүстік және шығыс аймақтарында күн райы құбылмалы болады деп күтіледі. Найзағай ойнап, жаңбыр жауады, жекелеген аудандарда нөсер, бұршақ жауып, дауыл тұруы мүмкін. Қазақстанның батысы мен оңтүстігінде негізінен ашық, жауын-шашынсыз ауа райы күтіледі, деп хабарлайды Tengrinews.kz "Қазгидрометке" сілтеме жасап.

Астана - көшпелі бұлтты, жауын-шашынсыз. Жел солтүстіктен, солтүстік-батыстан түнде секундына 2-7, күндіз 7-12 метр жылдамдықпен соғады. Ауа температурасы түнде 8-10, күндіз 24-26 жылы.

Алматы - көшпелі бұлтты, түнде жаңбыр, күндіз аздаған жаңбыр жауады. Кей уақыттарда найзағай ойнайды. Жел солтүстік-батыстан секундына 3-8, екпіні кей кездері 18 метрге жетеді. Ауа температурасы түнде 17-19, күндіз 26-28 жылы. Іле Алатауы тауларында (Алматының Медеу және Бостандық аудандарының таулы аймақтары) - жаңбыр, кей кездері нөсер жаңбыр, найзағай, бұршақ күтіледі. Жел солтүстік-батыстан секундына 9-14, кей кездері екпіні 18-23 метрге жетеді. Ауа температурасы түнде 5-10, күндіз 14-19 жылы.

Шымкент - көшпелі бұлтты, жауын-шашынсыз. Жел солтүстік-шығыстан секундына 8-13, күндіз екпіні 15-20 метрге жетеді. Ауа температурасы түнде 16-18, күндіз 31-33 жылы.

Ақмола облысы - облыстың солтүстігінде, оңтүстігінде, шығысында жаңбыр жауып, найзағай ойнайды. Түнде және таңертең облыстың батысында, солтүстігінде, шығысында тұман түседі. Жел солтүстіктен, солтүстік-батыстан секундына 9-14 метр. Ауа температурасы түнде 5-10, облыстың солтүстігінде 13, күндіз 23-28 жылы. Көкшетау - көшпелі бұлтты, жауын-шашынсыз. Жел солтүстіктен, солтүстік-батыстан түнде секундына 2-7, күндіз 6-11 метр. Ауа температурасы түнде 11-13, күндіз 24-26 жылы.

Алматы облысы - түнде жаңбыр жауады, облыстың таулы және тау бөктеріндегі аудандарында кей кездері нөсер жаңбыр, күндіз облыстың оңтүстігінде аздаған жаңбыр, таулы және тау бөктеріндегі аудандарда жаңбыр, кей кездері нөсер жаңбыр жауады. Облыстың батысында, оңтүстігінде және таулы аудандарында найзағай ойнап, бұршақ жауады. Жел солтүстік-батыстан секундына 9-14, облыстың солтүстігінде, оңтүстігінде және таулы аудандарда екпіні 18-23 метрге жетеді. Ауа температурасы түнде 15-20, облыстың таулы аудандарында 5-10 жылы, күндіз 24-29, таулы аудандарда 14-19 жылы. Қонаев - көшпелі бұлтты, түнде жаңбыр жауып, найзағай ойнайды. Жел солтүстік-батыстан секундына 9-14, кей кездері екпіні 18 метрге жетеді. Ауа температурасы түнде 16-18, күндіз 27-29 жылы.
Жетісу облысы - облыстың солтүстігінде, оңтүстігінде, шығысында, орталығында және таулы аудандарында жаңбыр жауып, найзағай ойнайды, таулы аудандарда нөсер жаңбыр, күндіз бұршақ жауады. Жел солтүстік-батыстан секундына 9-14 метр, облыстың шығысында және таулы аудандарда екпіні 15-20, күндіз Алакөл көлдері ауданында кей кездері 23-28 метрге жетеді. Ауа температурасы түнде 15-20, орталықта және таулы аудандарда 10, күндіз 23-28, таулы аудандарда 18 жылы. Талдықорған - көшпелі бұлтты, түнде жаңбыр жауып, найзағай ойнайды. Жел солтүстік-батыстан секундына 5-10 метр. Ауа температурасы түнде 10-12, күндіз 26-28 жылы.

Түркістан облысы - жауын-шашынсыз. Жел солтүстік-шығыстан секундына 8-13 метр, облыстың батысында, таулы және тау бөктеріндегі аудандарында 15-20 метр. Ауа температурасы түнде 15-20, облыстың таулы аудандарында 12, күндіз 29-34, солтүстігінде,
облыстың таулы аудандарында 26 жылы. Түркістан - көшпелі бұлтты, жауын-шашынсыз. Жел солтүстік-шығыстан секундына 8-13, күндіз екпіні 15-20 метр. Ауа температурасы түнде 16-18, күндіз 31-33 жылы.

Батыс Қазақстан облысы - күндіз облыстың солтүстігінде, шығысында және орталығында өткінші жаңбыр жауып, найзағай ойнайды, бұршақ жауып, дауыл тұрады. Жел оңтүстік-шығыстан соғып, кейін солтүстік-батысқа ауысады, жылдамдығы секундына 9-14 метр, күндіз облыстың батысында, солтүстігінде және шығысында екпіні 15-20 метрге жетеді. Ауа температурасы түнде 18-23 жылы, күндіз 32-37 градус қатты ыстық болады. Орал - көшпелі бұлтты, күндіз өткінші жаңбыр жауып, найзағай ойнайды, бұршақ жауып, дауыл тұрады. Жел оңтүстік-шығыстан соғып, кейін солтүстік-батысқа ауысады, жылдамдығы секундына 9-14 метр, күндіз екпіні 15-20 метр. Ауа температурасы түнде 18-20, күндіз 32-34 жылы.

Атырау облысы - жауын-шашынсыз. Күндіз облыстың солтүстігі мен шығысында шаңды дауыл болады. Жел оңтүстік-шығыстан соғып, кейін солтүстік-батысқа ауысады, жылдамдығы секундына 9-14 метр, күндіз облыстың солтүстігі мен шығысында екпіні 15-18 метрге жетеді. Ауа температурасы түнде 20-25 жылы, күндіз 33-38 градус қатты ыстық болады. Атырау - аз бұлтты, жауын-шашынсыз. Жел оңтүстік-шығыстан соғып, кейін солтүстік-батысқа ауысады, жылдамдығы түнде 1-6, күндіз 6-11 метр. Ауа температурасы түнде 21-23 жылы, күндіз 35-37 градус қатты ыстық болады.

Маңғыстау облысы - күндіз облыстың оңтүстігінде аздаған жаңбыр жауып, найзағай ойнайды. Жел солтүстік-батыстан, батыстан секундына 7-12 метр. Ауа температурасы түнде 19-24, облыстың оңтүстігінде 27 жылы, күндіз 37-42 градус қатты ыстық, облыстың батысында 32 жылы. Ақтау - көшпелі бұлтты, жауын-шашынсыз. Жел солтүстік-батыстан, батыстан секундына 5-10 метр. Ауа температурасы түнде 20-22, күндіз 30-32 жылы.

Ақтөбе облысы - жауын-шашынсыз. Жел оңтүстік-шығыстан секундына 7-12 метр. Ауа температурасы түнде 12-17, облыстың батысында 20 жылы, күндіз 31-36 градус қатты ыстық. Ақтөбе - аз бұлтты, жауын-шашынсыз. Жел оңтүстік-шығыстан секундына 5-10 метр. Ауа температурасы түнде 14-16, күндіз 31-33 жылы.

Қостанай облысы - жауын-шашынсыз. Түнде және таңертең облыстың батысында, солтүстігінде тұман түседі. Жел оңтүстіктен, оңтүстік-батыстан секундына 9-14 метр. Ауа температурасы түнде 10-15, күндіз 26-31 жылы. Қостанай - көшпелі бұлтты, жауын-шашынсыз. Түнде және таңертең тұман түседі. Жел оңтүстіктен, оңтүстік-батыстан, солтүстіктен секундына 5-10 метр. Ауа температурасы түнде 10-12, күндіз 28-30 жылы.

Солтүстік Қазақстан облысы - күндіз облыстың шығысында өткінші жаңбыр жауып, найзағай ойнайды. Түнде және таңертең облыстың батысында, солтүстігінде, оңтүстігінде тұман түседі. Жел солтүстіктен, солтүстік-батыстан 9-14, күндіз облыстың шығысында, оңтүстігінде екпіні секундына 15-20 метрге жетеді. Ауа температурасы түнде 8-13, күндіз 23-28 градус жылы. Петропавл - көшпелі бұлт шығады, жауын-шашынсыз. Түнде және таңертең тұман түседі. Жел солтүстіктен, солтүстік-батыстан түнде 2-7, күндіз 7-12 метр секунд. Ауа температурасы түнде 11-13, күндіз 24-26 градус жылы.

Павлодар облысы - облыстың солтүстігінде, шығысында, орталығында жаңбыр жауып, найзағай ойнайды, күндіз бұршақ жаууы мүмкін. Түнде және таңертең облыстың солтүстігінде, шығысында, орталығында тұман түседі. Жел солтүстік-батыстан 9-14, облыстың солтүстігінде, шығысында, орталығында екпіні секундына 15-20 метр. Ауа температурасы түнде 10-15, күндіз 22-27 градус жылы. Павлодар - бұлтты, жаңбыр жауып, найзағай ойнайды, күндіз бұршақ жауады. Түнде және таңертең тұман түседі. Жел солтүстік-батыстан 9-14, күндіз екпіні секундына 15-20 метр. Ауа температурасы түнде 11-13, күндіз 24-26 градус жылы.

Қарағанды облысы - облыстың батысында, солтүстігінде, шығысында жаңбыр жауып, найзағай ойнайды, күндіз бұршақ жаууы мүмкін. Түнде және таңертең облыстың батысында, солтүстігінде, шығысында тұман түседі. Жел солтүстік-батыстан секундына 9-14 метр. Ауа температурасы түнде 10-15, облыстың оңтүстігінде 20, шығысында 7, күндіз 18-23, оңтүстігінде 26 градус жылы. Қарағанды - көшпелі бұлт шығады, күндіз кей уақыттарда жаңбыр жауып, найзағай ойнайды, бұршақ жауады. Түнде және таңертең тұман түседі. Жел солтүстік-батыстан түнде 2-7, күндіз 7-12 метр секунд. Ауа температурасы түнде 11-13, күндіз 21-23
градус жылы.

Ұлытау облысы - жауын-шашынсыз. Түнде және таңертең облыстың шығысында тұман түседі. Жел солтүстіктен, солтүстік-шығыстан секундына 9-14 метр. Ауа температурасы түнде 11-16, облыстың батысында 19, күндіз 25-30, шығысында 20 градус жылы. Жезқазған - көшпелі бұлт шығады, жауын-шашынсыз. Жел солтүстіктен, солтүстік-шығыстан секундына 3-8 метр. Ауа температурасы түнде 13-15, күндіз 28-30 градус жылы.

Шығыс Қазақстан облысы - жаңбыр жауып, найзағай ойнайды, облыстың солтүстігінде, шығысында, таулы аудандарда нөсер жаңбыр, кей уақыттарда өте қатты жаңбыр жауады, күндіз бұршақ жауып, дауыл тұрады. Түнде және таңертең облыстың солтүстігінде тұман түседі. Жел оңтүстік-шығыстан оңтүстік-батысқа ауысады, жылдамдығы 9-14, облыстың солтүстігінде, шығысында, оңтүстігінде 15-20, күндіз екпіні секундына 25 метрге жетеді. Ауа температурасы түнде 11-16, облыстың солтүстігінде, шығысында 7, күндіз 16-21, оңтүстігінде 24 градус жылы. Өскемен - бұлтты, жаңбыр жауады, кей уақыттарда нөсерлейді, найзағай ойнап, күндіз бұршақ жауады. Жел оңтүстік-шығыстан оңтүстік-батысқа ауысады, жылдамдығы 7-12, күндіз екпіні секундына 15-20 метр. Ауа температурасы түнде 12-14, күндіз 19-21 градус жылы.

Абай облысы - жаңбыр жауып, найзағай ойнайды, облыстың солтүстігінде, оңтүстігінде, орталығында нөсер жаңбыр жауады, күндіз бұршақ жауып, дауыл тұрады. Түнде және таңертең облыстың солтүстігінде тұман түседі. Жел оңтүстік-батыстан солтүстік-батысқа ауысады, жылдамдығы 9-14, облыстың солтүстігінде, оңтүстігінде, орталығында 15-20, күндіз екпіні секундына 23-28 метрге жетеді. Ауа температурасы түнде 11-16, облыстың батысында 8, күндіз 17-22, оңтүстігінде 25 градус жылы. Семей - бұлтты, жаңбыр жауып, найзағай ойнайды, күндіз бұршақ жауады. Жел оңтүстік-батыстан солтүстік-батысқа ауысады, жылдамдығы 7-12, күндіз екпіні секундына 15-20 метр. Ауа температурасы түнде 11-13, күндіз 19-21 градус жылы.

Қызылорда облысы - жауын-шашынсыз. Жел солтүстіктен, солтүстік-шығыстан секундына 7-12 метр. Ауа температурасы түнде 14-19, күндіз 29-34 градус жылы. Қызылорда - ашық. Жел солтүстік-шығыстан секундына 7-12 метр. Ауа температурасы түнде 17-19, күндіз 30-32 градус жылы.

Жамбыл облысы - облыстың таулы аудандарында жаңбыр жауып, найзағай ойнайды. Жел солтүстіктен 9-14, таулы аудандарда секундына 15-20 метр. Ауа температурасы түнде 14-19, таулы аудандарда 10, күндіз 25-30, таулы аудандарда 20 градус жылы. Тараз - көшпелі бұлт шығады, жауын-шашынсыз. Жел солтүстіктен секундына 9-14 метр. Ауа температурасы түнде 14-16, күндіз 28-30 градус жылы.

Google News арқылы жаңалықтарымызды қадағалаңыз