Өзбекстан билігі елдің Сыртқы саясат тұжырымдамасын қайта қарауға ниетті

Қолданыстағы тұжырымдама 2012 жылы қабылданған. Өзбекстан басшысының айтуынша, әлемдегі геосаяси өзгеріс, халықаралық қарым-қатынас жүйесіндегі тұрақсыздық, өңірлік қарама-қайшылық пен жаһандық экономикалық үрдістер әр мемлекетті сыртқы саяси қызметке түзету енгізуге итермелеп жатыр. Яғни, осы жағдайда ұлттық мүдде мен уақыт талабына сай бейімделе білу қажет.

— Осыған байланысты Сыртқы саясат тұжырымдамасын жаңарту, оның басым бағыттарын қайта қарау, елдің ұлттық мүддесін қорғауға және халықаралық аренадағы ұстанымын нығайтуға бағытталған нақты міндеттерді айқындау керек, - деп мәлімдеді Шавкат Мирзиёев.

Еске салайық, Өзбекстан билігі елдің Қорғаныс доктринасына өзгеріс енгізуге ниетті.

Бұған дейін хабарлағанымыздай, Өзбекстан Тайваньмен келіссөзден соң Дүниежүзілік сауда ұйымының тең құқылы мүшесі атанбақ.