Өзбекстан BYD электромобильдерін Қазақстан мен Ауғанстанға экспорттамақ

Әкімнің айтуынша, инфрақұрылымды дамыту есебінен облыстың инвестициялық тартымдылығын арта түсті.

- Сіздің қолдауыңыздың арқасында кейінгі 10 жылда Жизақ облысы аграрлық аймақтан өнеркәсіптік өңірге айналды. Бұл ретте облыстағы инфроқұрылымдық жобаларды дамыту арқылы инвестиция ағыны артты, - деді Улугбек Мустафоев президент Шавкат Мирзиёевке есеп бере отырып.

Сонымен қатар ол BYD компаниясы алғаш рет аймақ мемлекеттеріне электромобиль экспортын бастайтынын айтты.

- BYD кәсіпорны алғаш рет Қазақстанға электромобиль экспортын бастайды. Біз сондай-ақ, көліктерді Термезге және оны одан әрі Ауғанстанға жеткізуді жоспарлап отырмыз, - деді облыс әкімі.

Еске салайық, былтыр Өзбекстан шет елдерден 1,1 млрд долларға 79 822 көлік импорттады. Жалпы импорттың 71,2% (56 832 көлік) электромобильдерге тиесілі. Осылайша, былтыр мұндай темір тұлпарларды сатып алу көрсеткіші екі есе өсіп, оның сомасы 700 млн доллардан асты.