Пәкістан​да сауда орталығындағы өрттен қаза тапқандар саны 60 қа жетті

17 қаңтарда Пәкістанның Карачи қаласындағы сауда орталығында болған өрт салдарынан қаза тапқандар саны 60 адамға жетті, деп хабарлайды АА.

Dawn газетінің хабарлауынша, құтқару қызметтері оқиға орнында іздестіру жұмыстарын жалғастыруда. Сауда орталығындағы бір дүкеннің үйінділерінен тағы 30 адамның денесі табылды. Олардың кім екенін сот-медициналық сараптама анықтайды.

Сонымен қатар, өрттен кейін әлі де ондаған адам хабар-ошарсыз кеткендер қатарында.

Өрт салдарынан сауда орталығы мен оған іргелес плазаның бір бөлігі қираған. Бұл кешеннің жалпы аумағы шамамен 8 мың шаршы метрді құрап, ішінде 1 200-ге жуық дүкен орналасқан.

Өрттің шығу себептері әзірге белгісіз.

Бүгін, 11:27