Пәкістанда жауыннан кейін 200 ғимарат қирап, 109 адам көз жұмды

Фото: ТАСС/ Reuters/ NurPhoto

Табиғи апаттың ең ауыр зардабы елдің солтүстік-батысындағы Хайбер-Пахтунхва провинциясына тиді. Мұнда муссондық жауын-шашын салдарынан 55 адам көз жұмған. Ал шығыстағы Пенджаб провинциясында 36 адамның қаза тапқаны белгілі болды.

Тасқын су шамамен 800 ғимаратқа зақым келтірген, олардың 200-ден астамы толықтай қирады.

Пәкістанның солтүстігінде ірі мұздық опырылып, көшкін жүрді

Маусым айының соңынан бері елде 148 құтқару операциясы жүргізіліп, олардың барысында шамамен 4 мың адам құтқарылды.

Пәкістанда муссон маусымы әдетте маусымнан қыркүйекке дейін созылады. Бұл кезеңде мол жауын-шашын түсіп, ауыл шаруашылығы үшін аса маңызды болғанымен, жиі су тасқыны мен басқа да табиғи апаттарға себеп болады.

Пәкістан тауларында автобус шатқалға құлап, 40 адам қаза тапты

Айта кетейік, көктемде Пәкістанның Хайбер-Пахтунхва провинциясында болған су тасқыны салдарынан 17 адам қаза тапты.