Пашинян Арменияда енді коньяк өндірілмейтінін мәлімдеді

Армения премьер-министрі Никол Пашинян елде коньяк өндірісі тоқтайтынын хабарлады, деп жазады URA.RU.

Оның айтуынша, жергілікті компаниялардың бұл атауды пайдалану құқығы жоқ. Мәлімдеме Пашинянның парламенттегі үкімет сағатында айтылды.

«Арменияда коньяк өндірілмеуі тиіс, дәл сол сияқты Дилижан қаласында „Джермук“ өндірілмейді. Армения шампан өнімдерін де шығара алмайды», — деді премьер-министр. 

Сонымен қатар, халықаралық беделді компаниялар Арменияда өз өнімдерінің жалған көшірмелері пайда болатынын айтып шағымданған.

Естеріңізге сала кетейік, 2021 жылдың маусымында Армения Еуропалық Одақпен келісімге қол қойып, коньяк атауын қолданудан біртіндеп бас тартатынын растаған. Сол келісімнен кейін жаңа бренд – Armenian Brandy ұсынылған.

2024 жылдың ақпанынан бастап бұл брендті халықаралық нарықта насихаттау бағдарламасы ЕС қолдауымен іске қосылған. Бұл шаралар географиялық атауларды қорғау және алкоголь өнімдерінің жалғандануын болдырмау мақсатында жүргізілуде.

Бүгін, 13:05