Павлодар облысында биіктен құлап кеткен бүлдіршін көз жұмды

АЛМАТЫ, 12 маусым – Sputnik. Павлодар облысы Ақсу қаласында көпқабатты үйдің терезесінен құлап кеткен бүлдіршін көз жұмды, деп хабарлайды облыстық денсаулық сақтау басқармасы.

11 маусымда 3 жасар бүлдіршін үшінші қабаттың терезесінен құлап, ауыр жарақат алған. Бала ауруханаға ауыр жағдайда жеткізіліп, жансақтау бөліміне түскен.

"Өкінішке қарай, дәрігерлердің бар күш-жігеріне қарамастан, бала операция кезінде көз жұмды. Алған жарақаттары өте ауыр болған", - дейді облыстық денсаулық сақтау басқармасы.

Айта кетері, жыл басынан бері Павлодар облысында үш бала терезеден құлаған.