Павлодарда тікұшақ апатқа ұшырады: Бортта 13 адам болған

Еріктілер іздеу жұмыстары кезінде төмен қарай құлдилап құлап бара жатқан тікұшақты байқаған. Кейін жерге апатты жағдайда қонып, артқы бөлігі ажырап кеткен, сондай-ақ шассиі зақымданған.

«Тікұшақ ішіндегілер өртеніп кете ме деп қорқып, айқайлап салоннан жүгіріп шыққанын көрдік. Біздің жігіттер оларға алғашқы медициналық көмек көрсетті», дейді Vita іздестіру жасағының өкілдері.

АҚШ-та екі тікұшақ соқтығысып, бір адам қаза тапты

Көлік министрлігі баспасөз қызметінің мәліметінше, «Қазавиақұтқару» АҚ пайдаланатын Ми-8 АМТ әуе кемесі апатты жағдайда қонған.

«Тікұшақ іздестіру-құтқару жұмыстарын жүргізу үшін ұшқан. Тікұшақ бортында 13 адам болған, олардың ішінде 5 экипаж мүшесі және 8 жолаушы бар», деп хабарлады ведомствоның баспасөз қызметі.

Ведомствоның мәліметінше, қаза тапқандар жоқ, ал зардап шеккендер туралы ақпарат нақтыланып жатыр. 

Павлодарлық іздестірушілердің айтуынша, сол күні Ертіс өзенінің жайылмасында құтқарушылар, полиция қызметкерлері және Vita еріктілері 23 маусымда жоғалып кеткен қала маңындағы ауылдың 71 жастағы тұрғынын іздеген. Ал 24 маусымда зейнеткерді еріктілердің бірі тауып алған.

Жапонияда туристер мінген тікұшақ жоғалып кетті