Павлодарда зейнеткерді жедел жәрдем көлігі қағып кетті

АЛМАТЫ, 7 шілде – Sputnik. Павлодарда жедел жәрдем көлігі адам қағып кетті, деп хабарлайды Sputnik Қазақстан.

Қызметтік көлік дәл жаяу жүргіншілер өткелінде адам қағып кеткен. Дәрігерлер жәбірленушіге бірден көмек көрсетіп, №1 Павлодар қалалық ауруханасына жеткізді.

"Науқас 76 жаста. Аяғы сынған, денесі көгерген. Жағдайы орташа ауыр", - дейді облыстық денсаулық сақтау басқармасы.

Полиция тергеу жүргізіп жатыр.

"7 шілде күні жедел жәрдем көлігінің жүргізушісі Сәтбаев көшесімен келе жатып, реттелмейтін жаяу жүргіншілер өткелі арқылы жолды кесіп өтіп бара жатқан жаяу жүргіншіні қағып кетті", - дейді Павлодар облысының полиция департаменті.

Бұл факті бойынша тексеру жүргізіліп жатыр.