Перу астанасында зорлық зомбылыққа байланысты төтенше жағдай жарияланды

Перу президенті Хосе Хери Лима қаласында төтенше жағдай енгізгенін жариялады. Бұл шешім наразылық акцияларындағы зорлық-зомбылықты тоқтату мақсатында қабылданды, деп хабарлайды Интерфакс Associated Press-ке (AP) сілтеме жасап.

Президент Хери телеарна арқылы жасаған үндеуінде Лимадағы төтенше жағдайдың 30 күнге созылатынын айтып, билік әскери қызметкерлерді полицияға көмек көрсету үшін жұмылдыру және кейбір құқықтарды, мысалы, жиналыс өткізу және қозғалыс еркіндігін шектеу шараларын қарастырып жатқанын жеткізді. Кейін оның үкіметі төтенше жағдайды ресми жариялайтын жарлық шығарды.

Соңғы аптада Перуде жаппай наразылық акциялары өтті. Бейсенбі күні Z ұрпағының белсенділерінің бастауымен өткен демонстрацияда президенттің отставкасын талап еткен наразылықтар тәртіпсіздікке ұласқан, нәтижесінде бір адам қаза тауып, жүз адам зардап шекті.

Хосе Хери 10 қазанда Перу президенті қызметіне ант қабылдады. Ол алдыңғы президент Дина Болуарте импичменттен өткеннен кейін қызметке келген. 9 қазанда Перу парламенті Болуарте қызметінен кетуін толық дауысқа салып мақұлдаған еді. Себеп ретінде елдегі қылмыстың өсуін тоқтатуда биліктің қабілетсіздігі көрсетілген.

Бүгін, 14:51