Полиция Түргендегі зебралар бейнежазбасының құпиясын ашты

Алматы облысында жайылып жүрген "зебралардың" видеосы әлеуметтік желілерде тарап, миллион қаралым жинап үлгерді. Дегенмен, мұқият қолданушылар кадрдан экзотикалық жануарлардың орнына боялған кәдімгі жергілікті есектерді көрген. Қазіргі уақытта полицейлер жағдайдың мән-жайын анықтап жатыр, деп хабарлайды Tengri Life.

Алматы облысында жайылып жүрген "зебралардың" видеосы әлеуметтік желілерде тарап, миллион қаралым жинап үлгерді. Дегенмен, мұқият қолданушылар кадрдан экзотикалық жануарлардың орнына боялған кәдімгі жергілікті есектерді көрген. Қазіргі уақытта полицейлер жағдайдың мән-жайын анықтап жатыр, деп хабарлайды Tengri Life.

Ролик Instagram-да пайда болып, тез арада жүздеген мың қаралым жинады. Кадрлардан Түрген шатқалы маңындағы жол бойында зебраға ұқсайтын екі жануардың жүргенін көруге болады.

Видео авторының айтуынша, басында саяхатшылар өз көздеріне өздері сенбеген.

"Бүгін Түрген маңында жолды кесіп өтіп бара жатқан екі зебраны байқадық. Оларды жақынырақ көргенде таңғалысымызда шек болмады. Ал сіз ерекше бірдеңе байқадыңыз ба? Өз ойларыңызды жазыңыздар: бізде зебралар қайдан жүр?" - деп жазды видео авторы.

Instagram-дағы бұл жазбаны көру

Человек (@ok__freedom) бөліскен жазба

Видео 700 мыңнан астам қаралым жинады. Пікір қалдырушылардың ойы екіге бөлінді: желі қолданушыларының бірі әзілді түсініп, бұл идеяны керемет лайфхак десе, енді бірі жануар иесін қатыгездік танытты деп айыптады.

"Керемет!", "Бұл не, есектерді бояп тастаған ба?", "Егер айырмашылығы болмаса, артық төлеп не керек", "Есектерді аяп кеттім", "Жануарларды бұлай қорлаудың не қажеті бар?", - деп жазды пікір қалдырушылар.

Біз пікір алу үшін Алматы облыстық полиция департаментінің баспасөз қызметіне хабарластық. Полицейлер жануарлардың иесін тауып үлгерген. Ведомствоның мәліметінше, "зебралар" шын мәнінде туристерді тарту мақсатында арнайы бояумен уақытша боялып, жол бойына жайылуға жіберілген ақ есектер болып шықты.

"Иесінің түсіндіруінше, ақ түсті есектер демалыс орнының аумағына туристерді тарту мақсатында қауіпсіз бояумен уақытша боялған", - деп хабарлады баспасөз қызметі.

Алдын ала мәліметтер бойынша, жануарлардың өмірі мен денсаулығына қауіп төніп тұрған жоқ. Соған қарамастан, полиция тексеру жүргізуде - тәртіп сақшылары жануарларға күтім жасау кезінде заң нормаларының бұзылмағанына көз жеткізгісі келеді.

"Полиция қызметкерлері оқиғаға құқықтық баға беру және жануарларға қарау нормаларының сақталуын тексеру мақсатында тексеріс жүргізіп жатыр", - деп толықтырды ведомство өкілдері.

Айта кетейік, жақында Жетісу облысында Жоңғар-Алатау мемлекеттік ұлттық табиғи паркінің аумағында аю қонақ үй үйшігіне кірмек болған еді. Сол кезде жыртқыш темір есікті жұқа темір сияқты майыстырып тастаған.

Google News арқылы жаңалықтарымызды қадағалаңыз