Қайрат АФК Mundo do Futsal Experience 2025 жүлдесін иеленді

Futsal Experience ұйымдастырушыларының хабарлауынша, форумда әлемнің түкпір-түкпіріндегі жетекші мамандар, менеджерлер, жаттықтырушылар, ойыншылар және футзал сарапшыларын бас қосты.

Аталған іс-шара аясында кәсіби ғана емес, сонымен қатар жасөспірімдер мен әйелдер футзалын дамыту мәселелері де талқыланды. Атақты адамдар практикалық және жолдастық матчтар өткізіп, өз шеберліктерін паш етті.

Бес күндік шоу гала-концертпен аяқталды, әлемдік футзал саласындағы үздіктер марапатталды. Осындай жоғары наградалардың бірі қазақстандық футзал өкілдеріне де табысталды.

Қазақстанның ең атақты клубы, УЕФА рекордсмені, УЕФА Чемпиондар лигасының екі дүркін жеңімпазы алматылық "Қайрат" әлемдік футзалдың дамуына қосқан баға жетпес үлесі үшін бағалы сыйлыққа ие болды.

Іс-шараны ұйымдастырушылар марапатты еліміздің 21 дүркін чемпионы Қайрат Оразбековке табыс етті.

Посмотреть эту публикацию в Instagram

Публикация от Mundo do Futsal Experience (@mundodofutsalexperience)

Айта кетсек, Алматы клубы қазір Чемпиондар лигасы аясында өте жақсы өнер көрсетіп, ширек финалға жетті. 26 ақпанда олар испандық "Картахенамен" кездесіп, ойын өрнегін көрсететін болады.