Қалыпты жиектастар мен асфальтты ауыстырып жатыр ма? Алматы әкімдігі көшенің неліктен жөнделіп жатқанын түсіндірді

Алматыда Ғабдуллин көшесінің тұрғындары кезекті жол жөндеу жұмыстарына назар аударды. Олардың айтуынша, учаскеде асфальт қайта алынып, жуырда ғана жаңартылған жиектастар ауыстырылған. Қалалық әкімдіктің баспасөз қызметі жағдайға қатысты пікір білдірді, - деп хабарлайды Tengrinews.kz.

Алматыда Ғабдуллин көшесінің тұрғындары кезекті жол жөндеу жұмыстарына назар аударды. Олардың айтуынша, учаскеде асфальт қайта алынып, жуырда ғана жаңартылған жиектастар ауыстырылған. Қалалық әкімдіктің баспасөз қызметі жағдайға қатысты пікір білдірді, - деп хабарлайды Tengrinews.kz.

Threads әлеметтік желісінде тұрғындар Ғабдуллин көшесінде асфальт пен жиектастар алынғанын хабарлады. Олардың айтуынша, бұған дейінгісі әлі де жарамды көрінген.

"Ғабдуллин көшесінде бүкіл асфальт пен жақында ғана ауыстырылған жаңа жиектастарды тағы да сүріп тастады. Қалған жиектастар айқын көрінуі үшін (жол белгісінің астында) суретке түсіріп алдым - жап-жақсы күйде. Бізде жыл сайын жиектас, плитка мен асфальтты ауыстырудың қажеттілігі қаншалықты?" - деп жазды жарияланым авторы.

Threads-тегі жазба скриншоты

Кейбір қала тұрғындары бұл учаскеде мұндай жұмыстардың бірінші рет жүргізіліп жатпағанын айтып, кезекті жөндеудің қажеттілігіне күмән келтіріп отыр.

Алматы қалалық жол инфрақұрылымын дамыту басқармасы Ғабдуллин көшесінің Байзақовтан Жароковқа дейінгі аралығында жолға орташа жөндеу жұмыстары жүргізіліп жатқанын хабарлады.

Ведомство мәліметінше, мұнда соңғы жөндеу жұмыстары 2016 жылы жүргізілген. Тексеруден кейін мамандар ақауларды - жарықтар, шұңқырлар мен басқа да зақымдарды анықтаған. Әкімдік өкілдері бұл ақаулар жол қозғалысы қауіпсіздігіне әсер еткенін атап өтті.

"Бүгінде мердігер ұйым жол төсемінің конструкциялық қабаттарын төсеу үшін дайындық жұмыстарын жүргізіп жатыр. Сондай-ақ бүлінген жиектастарды ауыстыру қарастырылған", - деп хабарлады басқарма өкілдері.

Сонымен қатар басқарма бұрын орнатылған бетон жиектастардың бір бөлігі пайдалану барысында зақымдалғанын нақтылады. Енді олар ведомство мәліметінше, анағұрлым төзімді әрі ұзаққа шыдайтын гранитті жиектастарға ауыстырылып жатыр.

Жөндеу жұмыстары осы аптада аяқталады деп күтіледі.

Google News арқылы жаңалықтарымызды қадағалаңыз