Қарағанды облысында бірнеше бағытта көлік қозғалысы тоқтатылды

2026 жылғы 6 ақпан сағат 16:00–де ауа райының бұзылуына байланысты келесі республикалық маңызы бар автожолдарда жүк және қоғамдық көліктердің қозғалысына шектеу енгізілді: 

— «Астана — Қарағанды — Алматы» автожолының 92-164 шақырым аралығы (Ақмола облысы шекарасы — Теміртау ақы алу пункті);

— «Астана — Қарағанды — Алматы» автожолының 248-592 шақырым аралығы (Атамекен ауылы — Балхаш қаласы);

— «Қызылорда — Жезқазған — Қарағанды — Шідерті» автожолының 788-906 шақырым аралығы (Ұлытау облысының шекарасы — Топар елді мекені);

— «Қызылорда — Жезқазған — Қарағанды — Шідерті» автожолының 970-1064 шақырым аралығы (Қарағанды қаласы — Молодежный елді мекені). 

Айта кетейік, жолды 2026 жылғы 7 ақпан сағат 09:00–де ашу жоспарланған. 

Бұдан бұрын Ұлытау облысында республикалық маңызы бар жолдар жабылғаны белгілі болды.