Қазақстан Ресейге ресми нота жолдады

Қазақстан Үкіметі Ресей Федерациясына ресми ескерту нотасын жолдады.
Бұл шешім солтүстік шекарадағы халықаралық автотасымалдарға байланысты жағдайды реттеу мақсатында қабылданды.

Еске салайық, Ресей аумағына визасыз кіретін шетел азаматтарының бір жыл ішінде 90 күннен артық болуына тыйым салатын норма енгізілген болатын. Бұл шектеу қазақстандық жүк көлігі жүргізушілеріне айыппұл салынып, депортация қаупі туындауына себеп болды.

Мәселен, осы уақытқа дейін 31 қазақстандық жүргізушіге қатысты әкімшілік іс қозғалып, олар айыппұл мен депортация жазасына тартылған.

Мәселенің ушығуына байланысты Қазақстан тарапы шұғыл түрде Ресеймен келіссөздер өткізді. Қазіргі уақытта Сауда және интеграция министрлігінің мәліметінше, екі ел арасында ұсталған және жауапкершілікке тартылған жүргізушілер туралы ақпарат алмасу жүріп жатыр.

Министрлік Ресей жағы қазақстандық жүргізушілерге қатысты шектеулерді қайта қарау мүмкіндігін зерттеп жатқанын хабарлады. Бұған дейін жүргізілген талдау нәтижесі ресейлік нормалардың кейбір тұстары екіжақты және халықаралық келісімдерге қайшы келетінін көрсеткен.

Осыған байланысты мемлекеттік органдар тасымалдаушыларға:

«Тиісті шешім қабылданғанға дейін жүргізушілердің Ресей аумағында болу мерзімін алдын ала тексеріп, заң бұзушылықтың алдын алуға кеңес беремі», – деп ескерту жасады.

 Бұл мәселе халықаралық тасымал саласында жұмыс істейтін қазақстандық компаниялар мен жүргізушілер үшін ерекше маңызға ие. Қазақстан тарапы мәселені дипломатиялық жолмен шешуге күш салып жатыр.