Қазақстанда 900 ден астам заңсыз қару тәркіленді

Қазақстанда заңсыз қару айналымына қарсы күрес күшейтілді, – деп хабарлайды Aikyn.kz сайты.

Ішкі істер министрлігінің мәліметінше, жыл басынан бері 900-ден астам қару тәркіленген. Оның ішінде Қаңтар оқиғасы кезінде ұрланған 74 қару бар. Сондай-ақ айналымнан 4 мыңнан астам оқ-дәрі алынған.

Соңғы үш күннің өзінде 67 дана атыс қаруы мен 200-ден астам оқ-дәрі тәркіленді.

Мәселен, 27 сәуірде Алматы қаласында полиция қызметкерлері Сайран көлі маңынан қару-жарақ дүкенінен ұрланған қаруды анықтады.

ІІМ өкілдері азаматтарға заңсыз сақталған қаруды ерікті түрде тапсырудың маңыздылығын ескертті. Мұндай жағдайда тұлғалар қылмыстық және әкімшілік жауапкершіліктен босатылады.

Ведомство қоғам қауіпсіздігін қамтамасыз ету мақсатында тұрғындарды заңсыз қаруды ерікті түрде тапсыруға шақырды.