Қазақстанда шетелдік IT мамандарға тұрақты тұруға рұқсат беру бойынша жоба іске қосылды

"Астана және Алматы қалаларында "Азаматтарға арналған үкімет" мемлекеттік корпорациясы" КЕАҚ-ның "Халыққа қызмет көрсету орталықтарына" арналған интеграцияланған ақпараттық жүйесінің "Мемлекеттік органның автоматтандырылған жұмыс орны" ішкі жүйесі ("ХҚКО" ИАЖ АҚ АЖО) арқылы ақпараттық-коммуникациялық қызметтер саласындағы мамандар үшін "Қазақстан Республикасында шетелдіктер мен азаматтығы жоқ адамдарға тұрақты тұруға рұқсат беру" мемлекеттік қызметін көрсету бойынша "Digital Nomad Residency" пилоттық жобасы іске қосылсын", – делінген құжатта.

Сондай-ақ пилоттық жобаны іске асыру кезінде мемлекеттік органдардың – Полиция департаментінің Көші-қон қызметі басқармасының (КҚБ ПД), Қазақстан Республикасы Жасанды интеллект және цифрлық даму министрлігінің (ЖИЦДМ) және "Азаматтарға арналған үкімет" мемлекеттік корпорациясы" КЕАҚ-ның өзара іс-қимыл алгоритмі бекітілді.

Мемлекеттік қызмет Ішкі істер министрлігінің көші-қон қызметінің аумақтық органдары арқылы "ХҚКО" ИАЖ АҚ АЖО және КҚ ақпараттық жүйесі арқылы көрсетіледі.

Қызмет алушыда ЖСН және шетелдік IT-маманның ЭЦҚ-сы болған жағдайда, ол astanahub.com порталында сұранысқа ие мамандықтар тізбесіне сәйкестігі туралы салалық мемлекеттік органның қолдаухатын алу үшін өтініш береді. Сонымен бірге мемлекеттік қызмет көрсету үшін қажет жеке деректерді жинауға және өңдеуге келісім береді.

Егер қызмет алушы жеке деректерін жинауға және өңдеуге келісім бермесе, электронды қолдаухатты қалыптастыру процесі тоқтатылады.

Қолдаухат алу үшін мынадай құжаттар ұсынылады:

шетелдік паспорттың көшірмесі (өтініш берген күндегі жарамдылық мерзімі кемінде 180 күн болуы тиіс);дипломның сканерленген нұсқасы (бар болса);портфолио;35х45 мм көлеміндегі цифрлық фотосурет;біліктілікті арттыру сертификатының сканерленген нұсқасы;түйіндеме;мотивациялық хат;азаматтығы бар және/немесе тұрақты тұратын мемлекеттің уәкілетті органы берген соттылығының бар-жоғы туралы құжат.

АКФ ПИТ қызметкері ұсынылған құжаттардың толықтығы мен талаптарға сәйкестігі бойынша бастапқы тексеру жүргізеді.

Өтінім мақұлданғаннан кейін АКФ ПИТ өтініш берушіге келесі кезеңге қатысуға рұқсат береді. Бұл туралы astanahub.com порталы немесе электронды пошта арқылы екі жұмыс күні ішінде хабарланып, күнтізбе арқылы уақыт таңдау мүмкіндігі ұсынылады.

Келесі тексеру кезеңі бейне сұхбат арқылы жүргізіледі. Оның нәтижелері тіркеліп, бекіту үшін ЖИЦДМ-ге жіберіледі.

Тексеру және ұсынылған деректерді талдау нәтижесі бойынша ЖИЦДМ astanahub.com порталы арқылы ЭЦҚ көмегімен өтініш берушінің біліктілігін растау туралы қолдаухатқа қол қояды.

Егер өтінім тексеру нәтижесінде мақұлданбаса, АКФ ПИТ өтініш берушінің жеке кабинетіне немесе электронды поштасына бас тарту себептері көрсетілген хабарлама жібереді.

Ережеге сәйкес, маман Қазақстанға келгеннен кейін медициналық тексеруден өтеді, тұрғын үй беру туралы келісімшарт жасайды және тұрған жеріндегі көші-қон қызметі бөлімінде дактилоскопиядан өтеді. Осыдан кейін ХҚКО-ға Қазақстан Республикасында тұрақты тұруға рұқсат (ТТР) беру туралы өтінішпен жүгінеді және бұрын портал арқылы жіберілген құжаттарды қоса ұсынады:

шетелдік паспорттың көшірмесі мен түпнұсқасы (өтініш берген күндегі жарамдылық мерзімі кемінде 180 күн болуы тиіс);Қазақстанға кіруге тыйым салынған аурулардың жоқтығы туралы медициналық анықтама;дактилоскопиядан өткені туралы анықтама;кемінде 180 күн мерзімге тұрақты тіркеуге қою және тұру үшін тұрғын үй беру туралы нотариалды куәландырылған келісімшарт;35х45 мм көлеміндегі бір фотосурет;қолдаухат;азаматтығы бар және/немесе тұрақты тұратын мемлекеттің уәкілетті органы берген соттылығының бар-жоғы туралы құжат;тұрақты тұруға рұқсат беру туралы сауалнама-өтініш;мемлекеттік баждың төленгені туралы құжат (электрондық үкіметтің төлем шлюзі арқылы төленген);жеке деректерді өңдеуге және оларды шетел мемлекеттерінің аумағына трансшекаралық беруге келісім беру туралы өтініш.

ХҚКО қызметкері бір жұмыс күні ішінде алдын ала ТТР нөмірі бойынша құжаттарды тексеріп, "ХҚКО" ИАЖ АҚ АЖО арқылы мемлекеттік қызмет көрсетуге өтініш рәсімдейді. Кейін құжаттардың түпнұсқалары курьерлік қызмет арқылы Полиция департаментінің көші-қон қызметі басқармасына жіберіледі.

Көші-қон қызметінің қызметкері үш жұмыс күні ішінде түпнұсқа құжаттарды бұрын КҚ ақпараттық жүйесіне енгізілген құжаттармен салыстырады, "Беркут" бірыңғай ақпараттық жүйесінен түскен мәліметтер негізінде мемлекеттік шекарадан өту деректерін тексереді, ІІМ-нің автоматтандырылған дактилоскопиялық ақпараттық жүйесінде дактилоскопиялық тіркеудің бар-жоғын анықтайды, сондай-ақ арнайы және қылмыстық есептер бойынша қайта тексеру жүргізеді.

Тексеру нәтижелері бойынша көші-қон қызметінің қызметкері мемлекеттік қызмет нәтижесін КҚ ақпараттық жүйесінде қалыптастырып, қабылданған шешімді қолмен "ХҚКО" ИАЖ АҚ АЖО жүйесіне тіркейді.

"ХҚКО" ИАЖ АҚ АЖО электрондық үкімет порталымен интеграция арқылы қабылданған шешім нәтижесін қызмет алушының жеке кабинетіне жібереді.

Бас тартылған жағдайда Қазақстан Республикасында тұрақты тұруға рұқсат алу туралы қайта өтініш беру дәлелді бас тарту шешімі шығарылған күннен бастап бір жылдан кейін ғана мүмкін болады.

Тұрақты тұруға рұқсат алғаннан кейін қызмет алушы тіркеуге тұру және ықтиярхат рәсімдеу үшін ХҚКО-ға мынадай құжаттармен жүгінеді:

жарамды шетелдік паспорт;Қазақстан Республикасында РПП берілгені туралы хабарлама;ықтиярхат беру үшін мемлекеттік баж төленгені туралы түбіртек.

Егер қызмет алушы алдын ала мақұлданған шешім шыққаннан кейін 30 күн ішінде Қазақстанға келмесе және көші-қон қызметіне жүгінбесе, шешімнің күші жойылады.

ТТР алу үшін қайта жүгіну алдын ала мақұлдау шешімі шыққан күннен бастап бір жылдан кейін ғана мүмкін болады.

Бірлескен бұйрық 2026 жылғы 26 мамырдан бастап күшіне енеді және 2026 жылғы 31 желтоқсанға дейін қолданылады.