Қазақстандықтар 2026 жылғы қыркүйекте 8 күн демалады

2026 жылдың қыркүйегі қазақстандықтар үшін қосымша мерекелік демалыссыз өтеді. Бес күндік жұмыс аптасында ел тұрғындары сенбі және жексенбі күндері, ал алты күндік жұмыс аптасында тек жексенбіде демалады. Tengri Life демалысты, сапарлар мен жұмыс міндеттерін алдын ала жоспарлауыңыз үшін қыркүйек айына арналған ыңғайлы демалыс және жұмыс күндерінің күнтізбесін дайындады.

2026 жылдың қыркүйегінде қазақстандықтар неше күн демалады?

Қыркүйек айында мемлекеттік және ұлттық мерекелер жоқ, сондықтан бұл айда қосымша демалыс күндері қарастырылмаған.

Бес күндік жұмыс аптасында қыркүйекте 22 жұмыс күні және 8 демалыс күні болады.

Алты күндік жұмыс аптасында қазақстандықтарды 26 жұмыс күні мен 4 демалыс күні күтеді.

Қыркүйек айына арналған демалыс күнтізбесі

Бес күндік жұмыс аптасында келесі күндер демалыс болады:

5 және 6 қыркүйек; 12 және 13 қыркүйек; 19 және 20 қыркүйек; 26 және 27 қыркүйек.

Алты күндік жұмыс аптасында тек жексенбі күндері демалыс болады:

6 қыркүйек; 13 қыркүйек; 20 қыркүйек; 27 қыркүйек.

2026 жылдың қыркүйек айына арналған күнтізбе. Фото: depositphotos.com/brokenrecords. Иллюстрация: Tengrinews.kz / Серікболсын Әлібеков

Қыркүйекте қандай атаулы күндер атап өтіледі

Қыркүйек айында қазақстандықтар бірнеше кәсіби және атаулы күндерді атап өтеді:

1 қыркүйек - Білім күні. 5 қыркүйек - Қазақстан халқының тілдері күні. Осы күні қыркүйектің бірінші сенбісіне сәйкес келетін Аңшылық шаруашылығы қызметкері күні де атап өтіледі. 6 қыркүйек - Мұнай-газ кешені қызметкерлері күні. Кәсіби мереке айдың бірінші жексенбісінде атап өтіледі. 13 қыркүйек - Бақылау-өлшеу аспаптары және автоматика саласындағы қызметкерлер күні. Бұл күн қыркүйектің екінші жексенбісіне сәйкес келеді. 15 қыркүйек - Санитарлық-эпидемиологиялық қызмет қызметкері күні. 27 қыркүйек - Машина жасаушылар күні. Кәсіби мереке қыркүйектің соңғы жексенбісінде атап өтіледі. 28 қыркүйек - Атом саласы қызметкерлері күні. 30 қыркүйек - Әділет органдары қызметкерлері күні.

Сонымен қатар қыркүйектің екінші жексенбісінде Отбасы күні, ал айдың соңғы жексенбісінде Еңбек күні атап өтіледі. Соңғы мереке еңбектің маңыздылығын паш ету және ел игілігі үшін қызмет етіп жүрген барша жандардың - дәрігерлер мен мұғалімдерден бастап, зауыттар мен фермалардағы жұмысшыларға дейінгі еңбегін ерекше атап өту үшін бекітілген.

Бұдан бөлек, БҰҰ күнтізбесіне сәйкес, қыркүйек айында бірнеше халықаралық дата бар. Олардың ішінде:

5 қыркүйек - Халықаралық қайырымдылық күні; 8 қыркүйек - Халықаралық сауаттылық күні; 15 қыркүйек - Халықаралық демократия күні; 16 қыркүйек - Халықаралық озон қабатын қорғау күні; 20 қыркүйек - Дүниежүзілік тазалық күні; 21 қыркүйек - Халықаралық бейбітшілік күні; 23 қыркүйек - Халықаралық ымдау тілдері күні; 27 қыркүйек - Дүниежүзілік туризм күні; 28 қыркүйек - Дүниежүзілік теңіз күні.

Google News арқылы жаңалықтарымызды қадағалаңыз

Жазылу