Қазақстандықтардың ипотекасы бойынша 1,5 миллион теңгеге дейін өтелуі мүмкін: қалай өтінім беруге болады

Жеңілдетілген ипотекамен баспана алғысы келетін қазақстандықтар тиімді бонус - тұрғын үй сертификатын ала алады. Ол қарызды рәсімдеу кезінде қажетті бастапқы жарнаның бір бөлігін жабуға көмектеседі. Tengri Home сертификат сомасы қанша екенін, оны кімдер және қалай ала алатынын түсіндіреді.

Поделиться

Алматы мен Астана тұрғындары бастапқы жарнаның 1,5 миллион теңгесіне дейінгі бөлігін жабуға мүмкіндік беретін сертификатқа үміткер бола алады. Басқа өңірлерде бұл сома 500 мыңнан бір миллион теңгеге дейін (соманы жергілікті мәслихаттар белгілейді).

Тұрғын үй сертификатын қандай ипотекаға пайдалануға болады?

Тұрғын үй сертификатын екі жағдайда қолдануға болады:

Ұлттық банк бекіткен ипотекалық бағдарлама бойынша қарыз рәсімдеу үшін; "Отбасы банк" АҚ-ның жеңілдетілген ипотекалық қарыздары үшін.

Сертификат арқылы келесі жеңілдетілген ипотекалық бағдарламалар бойынша бастапқы жарнаны ішінара төлеуге болады: "Бақытты отбасы" (2-10-20), "Шаңырақ" (5-10-20), "7-20-25".

Тұрғын үй сертификатына кімдер үміткер бола алады?

Критерийлердің бірі: отбасының орташа табысы жан басына шаққандағы ең төменгі күнкөріс деңгейінің 3,1 еселік көрсеткішінен аспауы тиіс (2024 жылы 157 638 теңге).

Сертификатқа тұрғын үй кезегінде тұрған қазақстандықтар үміткер бола алады:

бюджеттік сала қызметкерлері; Ұлы Отан соғысының ардагерлері; жеңілдіктері бойынша Ұлы Отан соғысының ардагерлеріне теңестірілген ардагерлер; басқа мемлекеттер аумағындағы соғыс ардагерлері; бірінші және екінші топтағы мүгедектігі бар жандар; мүгедектігі бар балалары бар немесе оларды тәрбиелеп отырған отбасылар; кейбір созылмалы аурулардың ауыр түрімен ауыратындар (тізімді Үкімет бекітеді); жасына байланысты зейнеткерлер; 29 жасқа толмаған, кәмелетке толғанға дейін ата-анасынан айырылған жетім балалар және ата-ана қамқорлығысыз қалған балалар; қандастар; экологиялық апаттар, табиғи және техногендік сипаттағы төтенше жағдайлар салдарынан баспанасынан айырылғандар; "Алтын алқа", "Күміс алқамен" марапатталған немесе "Батыр ана" атағын алған, сондай-ақ І және ІІ дәрежелі "Ана даңқы" орденімен марапатталған көпбалалы аналар, көпбалалы отбасылар; мемлекеттік немесе қоғамдық міндеттерін, әскери қызметін атқару кезінде, ғарыш кеңістігіне ұшуға дайындалу немесе ұшу кезінде, адам өмірін құтқару кезінде, құқық тәртібін қорғау кезінде қаза тапқан адамдардың отбасылары; толық емес отбасылар; мектептерде, колледждерде, ЖОО-ларда күндізгі бөлімде оқитын 23 жасқа дейінгі балалары бар жесірлер (тұл ерлер). Тұрғын үй сертификатын алуға өтінімді қалай беруге болады?

Ол үшін келесі әрекеттерді орындау қажет:

Жеңілдетілген ипотекаға қатысуға өтінім беру. Банкте төлем қабілеттілігін растау рәсімінен өту. Ипотекалық қарыз бойынша банктің мақұлдауын алу. Тұрғын үй сертификатын алуға өтінім беру. Өтінім берудің екі жолы kezekte.kz порталында онлайн; eGov.kz порталында ЭЦҚ көмегімен онлайн (Жылжымайтын мүлік - Тұрғын үй қатынастары - Тұрғын үй сертификаттарын беру).

Тағы оқыңыз:

Ұлттық банк шешімі ипотекаға қашан әсер етіп, арзандайды?

Бастапқы жарнасыз және мерзімі кешіктірілген төлемдер болса, ипотека алу мүмкін бе? Сарапшы пікірі

Google News арқылы жаңалықтарымызды қадағалаңыз

Жазылу

Ипотека тұрғын үй баспана пәтер