Алматы құрылыс шаңында: жиектас пен төсеметас төсеушілерге айыппұл салынды

Алматыда абаттандыру қағидаларын бұзғаны үшін 43 құрылыс компаниясына 5,7 миллион теңге айыппұл салынды. Бұл туралы қала әкімдігінің баспасөз қызметі мәлімдеді, деп жазады Tengrinews.kz.

Қалада құрылыс нысандарына мониторинг жүргізілді.

"Қаланың барлық ауданында құрылыс және жөндеу жұмыстарын жүргізу кезінде экологиялық талаптар мен көріктендіру ережесінің сақталуын бақылау мақсатында тексеріс ұйымдастырылды. Тротуарларға брусчатка төсеу және жиектас орнату кезінде заңбұзушылықтың көп болғаны анықталды. Белгіленген талаптарды сақтамағаны үшін 33 компания жауапкершілікке тартылды. Бұл тәртіп бұзған компаниялар жалпы санының 77 пайызы", - деп хабарлады баспасөз қызметі.

Алматы тұрғындары құрылыс жұмыстары кезіндегі заңбұзушылықтар туралы жиі хабарлайды. Олардың айтуынша, тротуар плиталарын кесу кезінде шаң көтеріледі, бұл құрылыс және экологиялық нормалардың сақталуына қатысты сұрақтар тудырды.

Мәселен, 20 қазанда қала тұрғындары Назарбаев пен Абай даңғылдары қиылысында плиткаларды кесу кезінде шаң көтерілгеніне назар аударды.

Сол кезде қалалық қоғамдық кеңістікті дамыту басқармасы мердігер ұйымға белгіленген талаптардың сақталуын бақылауды күшейтуді, брусчатканы кесу кезінде міндетті түрде су қолдануды және мұндай жағдайлардың қайталануына жол бермеуді тапсырған.

Бұған дейін тұрғындар ауаның құрылыс шаңымен ластануы салдарынан аллергия белгілері пайда болғанын хабарлаған.

Бізді Google-дың негізгі дереккөздер тізіміне қосыңыз