Қазақстандықтардың теңгедегі депозиттерге сенімі шамамен 60% ға артты

АСТАНА, 5 желтоқсан - Sputnik. Қазақстанның депозиттерге кепілдік беру қоры 2025 жылдың он айының қорытындысын шығарды.

Қордың мәліметі бойынша, теңгелік депозиттер қазақстандықтар арасында танымал болып келеді. Соңғы 10 айда олардың көлемі 46,6%-ға, ал бір жылда 59,7%-ға немесе 1,4 триллион теңгеге өсті.

1 қарашадағы жағдай бойынша олар 3,8 триллион теңгеге жетті.

Қазақстандық банктер бір айдан екі жылға дейін немесе одан да көп мерзімге жинақ депозиттерін ұсынады. Ең көп таралған ұсыныстар - үш айлық, алты айлық және бір жылдық мерзімдегі депозиттер.

"Мерзімді жоспарлау маңызды, себебі жинақ депозиттері негізінен "алынбайтын" депозиттер болып табылады. Олар мерзімінен бұрын алуға, тіпті ішінара алуға мүмкіндік бермейді, тек толық мерзімінен бұрын жабуға мүмкіндік береді. Бұл жағдайда банк есептелген пайызды есептен алады, ал қаражат тек 30 күннен кейін берілуі мүмкін. Бұл шарттар барлық банкте бірдей болады", - деп хабарлады қор мамандары.

Депозиттер толтырылмайтын немесе толтырылатын болуы мүмкін. Біріншісінің мөлшерлемелері жоғарырақ, бірақ екіншісінде егер кіріс жоғары болса оны болашақ жинақтар үшін бекітуге мүмкіндік береді. Қордағылардың айтуынша, бәрі ағымдағы жағдайларға байланысты.

Сарапшылар депозит бойынша пайыздық мөлшерлемеге ғана емес, сонымен қатар банктің беделі мен сенімділігіне де назар аударуды ұсынады. Олар сондай-ақ оның қаржылық жағдайын бағалауға және жаңалықтарды бақылауға жауапкершілікпен қарауды ұсынады.