Қазақстандықтарға тур сатып алу кезінде жиі жіберілетін қателік туралы ескертілді

Демалысты жоспарлау - әрқашан жағымды әуре-сарсаң, алайда күткен демалыс қаражат жоғалтумен аяқталмауы үшін аздап қырағылық танытқан жөн. Қазақстандықтарға сенімді агенттікті күмәнді делдалдардан қалай ажыратуға болатыны және турагенттен қандай құжаттарды талап ету керектігі еске салынды, деп хабарлайды Tengri Travel тілшісі Туризм және спорт министрлігіне сілтеме жасап.

Демалысты жоспарлау - әрқашан жағымды әуре-сарсаң, алайда күткен демалыс қаражат жоғалтумен аяқталмауы үшін аздап қырағылық танытқан жөн. Қазақстандықтарға сенімді агенттікті күмәнді делдалдардан қалай ажыратуға болатыны және турагенттен қандай құжаттарды талап ету керектігі еске салынды, деп хабарлайды Tengri Travel тілшісі Туризм және спорт министрлігіне сілтеме жасап.

Бұл неліктен маңызды?

Жолдаманы сатып алмас бұрын туристерге турагенттік құжаттары мен келісімшарт талаптарын тексеру ұсынылады, бұл төлемге қатысты мәселелер мен даулы жағдайлардың алдын алуға көмектеседі. Министрлік турист агенттік жұмысының заңдылығына және барлық растаушы құжаттың бар екеніне алдын ала көз жеткізуі керектігін атап өтті.

"Турагенттіктен турды сатып алмас бұрын сатылымның заңдылығын және құқықтық қорғалуыңызды растайтын құжаттар пакетін сұратып, тексеру ұсынылады", - деп атап өтті ведомство.

Бұл шаралардың басты мақсаты - тәуекелдерді азайту және туриске сапардың әрбір кезеңінде түсінікті кепілдіктер беру.

Турагенттіктен нені тексеру керек?

Ведомство тур үшін ақы төлемес бұрын бірнеше негізгі жайтқа көз жеткізуге кеңес берді.

"Бірінші кезекте, турагенттік қызметінің басталғаны туралы хабарламаның бар-жоғына көз жеткізу қажет. Турагенттік мемлекеттік электрондық тізілімге енгізілуі тиіс, бұл оның ресми мәртебесін растайды. Маңызды кезең - туристік қызмет көрсету туралы келісімшартқа қол қою", - деп ұсынды министрлік.

Ведомство ақпаратынша, туристік қызмет көрсету келісімшартында мыналар нақты көрсетілуі тиіс:

сапар елі мен күндері; турдың толық құны; төлем шарттары; күшін жою (аннуляция) ережелері; қаражатты қайтару тәртібі; тараптардың жауапкершілігі.

Министрлік мәміленің қаржылық жағы туралы бөлек ескертті. Төлем жасағаннан кейін турист міндетті түрде чек алуы керек.

"Ақшаны менеджерлердің жеке шоттарына аудармау өте маңызды, өйткені тек ресми төлем құжаты ғана мәміленің жасалғанына дәлел бола алады", - деп атап өтті ведомство.

Брондаудан кейін қандай құжаттар беріледі

Тур расталып, толық төленгеннен кейін турист құжаттар пакетін алады. Оған мыналар кіреді:

ваучер (қонақ үй, тамақтану, трансфер және егер қосылған болса, қосымша қызметтер көрсетілген); авиабилеттер немесе маршруттық түбіртектер; бүкіл сапар кезеңіне арналған сақтандыру полисі; туркод - брондаудың бірегей идентификаторы.

"Туркод - туристердің құқықтарына міндетті кепілдік берудің қолданыстағы жүйесі аясында сіздің қорғалуыңыздың кепілі", - деп түсіндірді ведомство.

Ведомство сапар алдында құжаттарды мұқият тексеріп қана қоймай, оларды сапар аяқталғанша сақтауға кеңес берді. Бұл кез келген даулы жағдайларда қажет болуы мүмкін.

"Құжаттарды әрқашан тексеріп, оларды сапар аяқталғанша сақтаңыз. Бұл - саяхаттағы сенімділігіңіз бен қорғанысыңыз", - деп атап өтті баспасөз қызметі.

Төтенше жағдайда не істеу керек?

Егер сапар кезінде қиындықтар немесе төтенше жағдайлар туындаса, туристерге бірден сыртқы туризм саласындағы Қазақстан азаматтарының құқықтарына кепілдік беру жүйесінің - "Туристік Қамқор" жедел желісіне хабарласу ұсынылады: +7 700 112 21 12.

Google News арқылы жаңалықтарымызды қадағалаңыз

Жазылу