Қазақстанның курорттық аймақтарында тоғыз айда 3,8 млн адам демалды

АСТАНА, 12 желтоқсан – Sputnik. Қазақстанның курорттық аймақтарында қаңтар-қыркүйекте 3,8 млн адам демалған, оның 16,5 пайызы шетелдіктер, деп хабарлайды Ұлттық статистика бюросы.

Бұл көрсеткіш 2024 жылдың сәйкес кезеңімен салыстырғанда 14%-ға артық.

Үздік үш курорттық аймақ:

Алматы тау кластері – 2,2 млн адам,

Щучье-Бурабай курорт аймағы – 373,1 мың адам,

Маңғыстау курорт аймағы – 308,8 мың адам демалған.

Сондай-ақ бестікке Балқаш туристік аймағы (169,2 мың адам) және Жетісу облысының Алакөл курорт аймағы (147,1 мың адам) кірген.

Көрсетілген қызметтер көлемі 154,7 млрд теңгені құрады.