Қазақстанның стратегиялық қадамы нық

Бұл жетістіктер кездейсоқ емес. Олар Мемлекет басшысы Қасым-Жомарт  Тоқаевтың кәсіби дипломатиялық мектебі, стратегиялық ойлау қабі­ле­ті және жүйелі менеджерлік тәсілінің нәтижесі екені анық.

2025 жылы Қазақ­станда мем­лекеттік басқару жү­йесін жаң­ғыр­ту нақты нәти­же­лермен көрінді. Цифрландыру, де­рекке негіздел­ген шешім қа­был­дау, орталық пен өңірлер ара­сындағы жауапкер­шілікті нақ­тылау – мұның бәрі басқарудың тиімділігін арттырды. Мемле­кет­тік аппаратта фор­ма­лизм қыс­қарды, функциялар оң­тайлан­ды­рылды және нәтиже мен жауап­кершілікке негізделген басқару мәдениеті қалыптаса бастады.

Бұл – Мемлекет басшысының «күшті Президент – ықпалды Парламент – есеп беретін Үкімет» қағидатының нақты іске асқанын көрсетеді. 2025 жыл Қазақстан экономикасы үшін сыртқы сын-қатерлерге қарамастан тұрақты­лықты сақтай алған кезең болды. Экономикалық саясатта инвести­циялық ахуал нығайды, өңдеуші өнеркәсіп пен инфрақұрылымдық жобаларға басымдық берілді, сон­дай-ақ шағын және орта бизнеске қолдау жүйеленді. Ең бастысы – эконо­мика шикізатқа тәуелді модельден біртіндеп әртарап­тан­дыру жолына түсті. Бұл – қыс­қа­мерзімді емес, ұзақмерзімді стра­тегиялық табыс.

Сонымен қатар биыл халық­аралық аренада Қазақстанның сенімді әріптес, жауапты мемлекет ретіндегі бе­делін айқын көрсеткен жыл бол­ды. Мемлекет басшы­сының кә­сіби дипломатиялық шеберлігінің арқасында Қазақ­стан ірі держа­валармен теңгерімді әрі прагма­тикалық диалог жүр­гізді, Орталық Азиядағы тұрақ­ты­лық пен өзара сенімді нығайтуда жетекші рөл атқарды, халық­ара­лық ұйымдар мен жаһандық плат­формаларда ел мүддесі дәйекті қорғалды.

Қазіргі жағдайда Қазақстан геосаяси күрделі жағдайда бейта­раптық пен прагматизмді сақтай алды, көпвекторлы сыртқы сая­саттың өміршеңдігін дәлелдеді, халықаралық инвесторлар мен серіктестер үшін сенімді алаң ­еке­нін тағы бір мәрте көрсетті. Бұл тек кәсіби дипломат емес, мем­лекетшіл стратег ретіндегі Пре­зи­дент Қасым-Жомарт Тоқаевтың айқын артық­шылығы. 

Осы жылы Парламент заңна­малық реформаларды сапалық жаңа деңгейде қамтамасыз етті, әлеу­меттік-экономикалық бас­тама­лардың институционалдық негі­зін қалады, Үкіметпен конс­трук­тивті әрі талапшыл диалог жүр­гізді. Сенаторлық менед­жер­лік тәжірибе көрсеткендей, мемле­кеттің тұрақты дамуы тек бастама көтерумен емес, оны кәсіби сүйе­мелдеумен өлшенеді. Осы тұрғыда билік тармақта­ры­ның өзара теңге­рімді жұмысы 2025 жылғы жетіс­тік­тердің басты факторына айналды.

Амангелді НҰҒМАНОВ, 

Парламент Сенатының депутаты