Қоғам өміріндегі өзгеріс

Азаматтық жауапкершілікті ұстанып, ел болып жұмылған жұмыстың негізінде 15 наурызда Ата заңды қолдағандар 80 пайыздан асты. Кеше ғана салтанатты жиында Президент Қасым-Жомарт Тоқаев жаңа Конституциямызды қабылдады. Халықтың кең қолдауымен қабылдануы негізгі құжаттың легитимдігін арттырады және реформаларды жүзеге асыруда тұрақты негіз береді.

Фото:anatili.kazgazeta.kz

Бүгінде еліміз даму жолын­дағы өте жауапты кезеңді өткеріп жатыр. Отандастарымыз тарапынан жолданған 10 мыңнан аса ұсыныс негізінде 130 адамнан тұратын Конституциялық комиссия құрылып, жаңа Ата заңның жобасы ұсынылды. 12 оты­рыс, одан бөлек, секциялық топтардың, БАҚ өкілдері, заңгерлер мен лингвистер, филологтер мен саясаттанушылардың сүзгісінен өткен маңызды құжат референ­думға шығарылды. Кейін Жалпы­ұлттық коалиция мүшелері жаңа Конституцияны алыс-жақын орналасқан отандас­тарымыз­ға егжей-тегжейлі түсіндірді. Өзім де өңірлерде болып, жергілікті тұрғындармен өткен талқылауларға қатыстым. Сол кездесулер барысында халықтың қызығушылық танытып, қызу қолдап отырғанына көз жеткіздім.

Ата заң – заңдық қадам ғана емес, қоғам мен мемлекет ара­сындағы сенімнің нығаюының айқын көрінісі. Қабылданған Конституцияға сәйкес, ҚХА жұ­мысы жаңа форматта жалға­сады. Ассамблея мен Ұлттық құрылтай негізінде Қазақстан Халық кеңесі құрылады. Бұл жаңа институт құрамында этномә­дени бірлестіктердің өкілдері, қоғамдық ұйымдар, жергілік­ті мәслихаттар мен қоғамдық кеңес­тер өкілдері бірлесе жұмыс істеп, қоғамдағы тұрақтылықты, келі­сім мен ынтымақты нығайтуға қызмет етеді.

Ендігі басты мақсат – Конс­титуцияны халыққа түсіндіру, насихаттау және қоғамның нақ­ты өміріне енгізу. Бұл үшін кез келген бағыттағы ұйымдар мен ға­лымдардың рөлі ерекше маңызды. Себебі олар жаңа заңдардың мәнін тереңінен түсіндіріп, жұртшы­лықтың сұра­нысын заң жобаларына дұрыс енгізуге көмектеседі.

Жаңа Конституцияны қа­был­дау – жауапкершіліктің бастамасы. Ендігі міндет – оны қоғам­ға жеткізу, сол арқылы ғана біз тұрақты, әділетті және сапалы қоғам құра аламыз.

Әлішер САТВАЛДИЕВ,

Сенат депутаты 

Соңғы жаңалықтар

Ұлт келешегін айқындайтын құжат

Ата заң • Бүгін, 08:45

Ерлан Қошанов:Халқымыз тарихи таңдауын жасады

Сұхбат • Бүгін, 08:40

Жаңғырудың жеті жылы: Тұрақтылық пен даму

Білім • Бүгін, 08:35

Дәтке қуат жасанды бүйрек

Медицина • Бүгін, 08:30

Абылай хан дәуірінің тың деректері

Аймақтар • Бүгін, 08:25

Наградалармен марапатталды

Марапат • Бүгін, 08:22

Ғұмар мен «Қазақстан»

Көрме • Бүгін, 08:20

Инвестициялық қолдау екі есе артты

Үкімет • Бүгін, 08:17

Өмір жұпарын сезіндірген өнер

Өнер • Бүгін, 08:15

Сирек кеселдің үнсіз кесірі

Денсаулық • Бүгін, 08:12

Алаяқтар айылын жияр емес

Қылмыс • Бүгін, 08:10

Конституцияны іске асыру тетіктері нақтыланды

Үкімет • Бүгін, 08:07

Цифрлық жүйе – қауіпсіздік кепілі

Құқық • Бүгін, 08:05

Мемлекеттік қызмет туралы заң жобасы мақұлданды

Саясат • Бүгін, 08:02

Жарыс күнделігі

Спорт • Бүгін, 08:00

Барлық жаңалықтар