ҚТЖ жаңа жылға қарай қосымша пойыздарды іске қосады

АСТАНА, 9 желтоқсан – Sputnik. Ұлттық тасымалдаушы жаңа жылдық мереке кезеңінде қосымша 53 мыңнан астам орын ұсынады, деп хабарлады "Қазақстан темір жолы".

Бұл рейстер шамамен 23 мың жолаушыны тасымалдауға мүмкіндік береді.

Қосымша пойыздар келесі бағыттарда қатынайды:

№201/202 "Алматы-2 – Астана-1"

Алматыдан жөнелтілуі: 2025 жылғы 20, 22, 24, 26, 28, 30 желтоқсан және 2026 жылғы 2, 4 қаңтар.

Астанадан жөнелтілуі: 2025 жылғы 21, 23, 25, 27, 29, 31 желтоқсан және 2026 жылғы 3, 5 қаңтар.

№203/204 "Астана Нұрлы жол – Шымкент"

Астанадан жөнелтілуі: 2025 жылғы 20, 23, 26, 29 желтоқсан және 2026 жылғы 2 қаңтар.

Шымкенттен жөнелтілуі: 2025 жылғы 22, 25, 28, 30 желтоқсан және 2026 жылғы 4 қаңтар.

№257/258 "Ақтөбе – Астана Нұрлы жол"

Ақтөбеден жөнелтілуі: 2025 жылғы 20, 23, 26, 29 желтоқсан және 2026 жылғы 2 қаңтар.

Астанадан жөнелтілуі: 2025 жылғы 22, 24, 28, 30 желтоқсан және 2026 жылғы 4 қаңтар.

Пойыз құрамында стандартты купе және плацкарт вагондары бар. Сонымен қатар, сұранысы жоғары бағыттарда пойыз құрамдарына 584 қосымша вагон тіркеледі. Осы арқылы жолаушыларға 30 мыңнан астам қосымша орын қолжетімді болады.