Құтқару операциясы бес сағатқа созылды: Алматыда 6 турист тау басында қалып қойған

Кеше Алматы тауларындағы Букреев шыңында 6 турист, оның ішінде екі кәмелетке толмаған қыз бала күн батқан кезде қатты жаңбыр мен қар себебінен қиын жағдайға тап болған, – деп хабарлайды Aikyn.kz.

Ауа райының нашарлауы және көмекке шақырғандардың нақты геолокациялық деректері болмағандықтан, барлық қажетті жарақтармен қамтамасыз етілген құтқарушылар көмекке шыққан. Туристерге бару және оларды алып қайту үшін шамамен бес сағат уақыт кеткен.

– Құтқарушылардың мінсіз дайындығының арқасында түнгі сағат 2-де туристер тобы ата-аналары күтіп тұрған "Елік-сай" турбазасының соңғы аялдамасына аман-есен жеткізілді. Медициналық көмек қажет болған жоқ, – деп мәлімдеді ТЖМ.