Қысқы олимпиада ойындарына дайындық қалай жүріп жатыр?

Олимпиадаға он күн қалды. Қазір қысқы спорт түрлері бойынша барлық іріктеу бәсекелері аяқталып, Милан мен Кортинадағы ойындар алдындағы қарбалас басталды. Аталмыш олимпиадаға 36 спортшымыз жолдама алды. Олар 6-шы ақпаннан бастап жарысқа араласа бастайды.

Алматы мен Ақмола көш басында. Аталған өңірлер қысқы олимпиадаға ең көп қатысушы шығарып отыр. Спортқа жауапты министрлік Милан мен Кортинадағы ойындар алында өңірлерге өзіндік сараптама жасады. Нәтижесінде, Алматы қаласы және Ақмола облысынан 6 спортшыдан жолдама алғаны анықталды. Одан кейін Шығыс Қазақстан облысы, Алматы облысы, Астана қаласы және Шымкеннт қаласы тұр. Аталмыш аймақтардан 4 спортшыдан ел намысын қорғайды. Сондай-ақ, Павлодар облысынан 3 спортшы, Қостанай облысынан 2 спортшы, Солтүстік Қазақстан, Қарағанды және Абай облыстарынан бір-бір спортшыдан өнер көрсетеді. Айта кетейік, қысқы олимпиадаға бас-аяғы 36 спортшымыз қатысады. Байрақты бәсекенің өзі 6-ақпанда басталады және 22-ақпанға дейін жалғасады. Ұлттық құраманың сапалы дайындығы үшін мемлекет тарапынан 13 миллиард 300 миллион теңге қарастырылды. Тағы бір айта кетерлігі, қысқы ойындарды біздің елде үш бірдей телеарна тікелей эфирге көрсетеді. Оның бірі – «Хабар» арнасы.

Надежда Морозова алдыңғы бестікте 

Морозова алыңғы бестікте. Германияның Инцелль қаласында конькимен жүгіруден әлем кубогының қорытынды, яғни соңғы кезеңі өтті. Нәтижесінде аталмыш спорт түрі бойынша дүниежүзілік рейтинг құрылды. Қазақстандық спортшылар арасынан ең тәуір көрсеткішке Надежда Морозова қол жеткізді. Ол 3000 метрге жүгіруде жаңартылған тізімнің 5-сатысына жайғасты. Ал 1500 метрлік қашықтық рейтингінде 6-орында тұр. Тағы бір қазақстандық Кристина Силаева 500 метр қашықтықта жақсы нәтижелер тіркеп, маусым қорытындысы бойынша алдыңғы ондыққа кірді. Ал командалық сында, нақтырақ айтқанда, әйелдер арасындағы командалық із кесу сайысында ұлттық құрама 8-сатыға тұрақтады. Ерлер арасында Евгений Кошкин 7-ші орыннан 11-ші орынға сырғыды. Яғни соңғы әлем кубогының кезеңі Евгений үшін сәтсіз өтті деуге болады. Енді жоғарыда аты аталған спортшылар бірер аптадан кейін Милан олимпиадасында ел намысын қорғайды.

Михаил Шайдоров алдыңғы бестікте

Шайдоров та алыңғы бестікті.  Мәнерлеп сырғанау шеберлері де олимпиада алында маусымды қорытындылап жатыр. Ең негізгі жарыстардың бірі Қытай астанасы Бейжің қаласында өтті. Төрт құрлық чемпионаты деп аталатын байрақты бәсекеге қазақстандық Михаил Шайдоров қатысты. Ол былтыр дәл осы жарыста жеңімпаз атанған болатын. Биыл қысқа бағдарлама нәтиждесінде 4-ші орынға тұрақтады. Ал, еркіне бандарламадан кейін бір саты төмендеп, 5-ші сатыға жайғасты. Бұл жарыста жапониялық Као Миура жеңіске жетті. Екінші орын Оңтүстік Корея, үшінші орын тағы бір Жапония спортшысына бұйырды. Айта кетейік, Михаил Шайдоров да қысқы олимпиада ойындарына қатысады және дәл осы жігіттен мамандар үлкен үміт күтіп отыр.

Шавкат Мирзиёев Геннадий Головкинді қабылдады

Шавкат Мирзиёев Геннадий Головкинді қабылдады. Өзбекстан президенті мен World Boxing ұйымының басшысы Ташкент қаласында жолықты. Кездесу барысында тараптар олимпиадалық боксты дамыту, халықаралық ынтымақтастықты нығайту және әріптестік аясын кеңейту мәселелерін талқылады. Айта кетейік, Геннадий Головкин Өзбекстан астанасына жұмыс сапармен барған болатын. Яғни сол жердегі Азия Олимпиадалық кеңесінің ассамблеясына қатысты. Аталмыш жиынға 45 елдің ұлттық олимпиадалық комиттерінің басшылары келді.