Қытай 6G интернетті сынақтан өткізудің екінші кезеңін бастады

Қытай 6G интернетті сынақтан өткізудің екінші кезеңін бастады.

Ол қазіргі қолданыстағы нұсқадан 28 есе жылдам әрі 10 есе ауқымды аумақты қамтиды. Мамандар бұған дейін 4 жыл уақыт жұмсап 300-ден астам маңызды техникалық жаңалыққа қол жеткізген еді. Енді жаңа жабдықтарды құрастырады. Сондай-ақ өндіріс саласында қолдану жүйесін қалыптастырмақшы. Ел үкіметі зерттеу жұмыстарын жеделдету туралы шешім қабылдады.

Се Цунь, Қытай Өндіріс және ақпараттық технологиялар министрлігінің өкілі:

- Қытай бұған дейін әлемдегі ең үлкен 5G ақпараттық инфрақұрылым жасаған. Оның құрамында 4,84 миллион базалық станция және 1,2 миллиард тұтынушы бар. Осының арқасында әлеуметтік-экономикалық саланың қарыштап дамуына жол ашылды. Енді жаңа деңгейге шықтық. 6G интернетті әзірлеуге қатысты зерттеу жұмыстарын жеделдетеміз.