Қытайда адам саудасына қатысты қылмыстар 78% ға азайды

Бұл аталған құқық бұзушылықтардың едәуір деңгейде тежелгенін көрсетеді.

Көптеген жылдар бойы Қытай соттары адам саудасына қарсы қатаң шаралар қабылдап келеді. Қылмыскерлерге қатаң жаза тағайындаумен қатар, ұрланған әйелдер мен балаларды «сатып алу» фактілерін де тоқтатуға ерекше назар аударылған. Бұл сұранысты азайту арқылы қылмыстың алдын алуға бағытталған.

Егер «сауда құрбаны» болған адамдарға қатысты зорлау, денсаулыққа қасақана зиян келтіру, заңсыз қамау немесе қатыгездік көрсету сияқты қосымша қылмыстар жасалса, кінәлілер заң бойынша бірнеше қылмыс үшін қатар жазаға тартылады.

Сондай-ақ, Қытай соттары туу туралы куәліктерді, неке құжаттарын, тұрғылықты тіркеу құжаттарын қолдан жасау немесе заңсыз беру сияқты адам саудасына байланысты заңсыз әрекеттермен де күресті күшейткен.

Адам ұрлау мен сату Қытай қоғамындағы ең ауыр әрі жиіркенішті қылмыстардың бірі саналады. Мысалы, Юй Хуаин есімді әйел 20 жыл ішінде 17 баланы ұрлап, сатқан үшін 2024 жылы өлім жазасына кесіліп, 2025 жылы үкім орындалды. Бұл іс елде үлкен қоғамдық резонанс тудырды.

Оның құрбандарының бірі — Ян Нюхуа бес жасында ұрланған. Ол 31 жасында ДНҚ сараптамасының көмегімен өз биологиялық отбасын тапқанымен, ата-анасы ол кезде қайтыс болып кеткен еді. Сол себепті ол бала кезінде айырылған отбасымен қайта қауыша алмады.

Бұдан бұрын Қытайда энергетикалық компанияның бұрынғы басшысы өлім жазасына кесілгені белгілі болды.